| e-texts navigator |
| Wylie |
97b1 ཡོད་པ་འདྲ་བར། རང་གི་ངོ་བོ་གང་ལ་ཡང་མི་གནས་ཤིང་། ཡོན་ཏན་ཅིར་ཡང་སྣང་བས། སྦྱིན་པའི་ཕ་རོལ་ཏུ་ཕྱིན་པ་སྟེ། ཡིད་བཞིན་གྱི་ནོར་བུ་རིན་པོ་ཆེ་ལྟ་བུར་རིགས་སོ།། རང་རིག་པའི་ཡེ་ཤེས་རང་བཞིན
97b2 གྱིས་རྣམ་པར་དག་པ་ཐམས་ཅད་འབྱུང་བའི་གཞི་མ་འགགས་པས། ཡོན་ཏན་འཁོར་འདས་སུ་འབྱུང་ཞིང་ཉོན་མོངས་པ་མི་མདའ་བས། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་ལྡན་ཏེ་བཙུན་མོ་ལྟ་བུར་རིགས
97b3 སོ།། རིག་པ་ཆོས་སྐུ་ལ་འགྲན་པའི་ཟླ་མེད་དོ།། རིག་པ་སྐུ་ལྔར་སྣང་ཡང་དོན་གཉིས་སུ་མེད་པས། ཡུལ་གྱི་མཚན་མ་ངང་གིས་བཅོམ་སྟེ། ཉོན་མོངས་པ་མེད་པས་བཟོད་པའི་ཕ་རོལ་དུ་ཕྱིན་པ་དང་ལྡན་པས།།
97b4 དམག་དཔོན་ལྟ་བུར་རིགས་སོ།། རང་རིག་པའི་ཡེ་ཤེས་བྱ་རྩོལ་མི་མངའ་བར་ཡོན་ཏན་རང་ལ་རྫོགས་ཏེ། ཐུགས་རྗེ་ཤུགས་ཀྱིས་འཆར་ལ། བརྗེད་པ་མེད་པའི་གཟུངས་ཐོབ་པའི་བརྩོན་འགྲུས་དང་ལྡན་ཏེ། རྟ
97b5 རིན་པོ་ཆེ་ལྟ་བུར་རིགས་སོ།། རང་རིག་པའི་ཡེ་ཤེས་དེ་རང་གི་ངོ་བོ་ལས་མི་འདའ་བས། ངང་ལས་མ་གཡོས་པར་གནས་པས་བསམ་གཏན་ཏེ། གླང་པོ་ཆེ་ལྟ་བུར་རིགས་སོ།། རིག་པ་ཆོས་ཀྱི་སྐུ་དེ་ཕྱོགས་ལྷུང་མེད
97b6 པས་ཤེས་རབ་ཏུ་གནས་ཤིང་། རྩལ་སོ་སོར་རྟོག་པའི་ཤེས་རབ་མི་འགག་པར་དཔྱད་པས་ཤེས་རབ་ཀྱི་ཕ་རོལ་དུ་ཕྱིན་པ་དང་ལྡན་ཏེ། འཁོར་ལོ་ལྟ་བུར་རིགས་སོ།། རང་རིག་པའི་ཡེ་ཤེས་དེ་ཐབས་མ་འགགས
iiif viewer powered by OpenSeadragon
