| e-texts navigator |
| Wylie |
96b1 ཡེ་ནས་རྫོགས།། དེ་ལྟ་བས་ན་གཞིའི་ཡེ་ཤེས་གཞན་ལ་རག་མི་ལུས་ཤིང་རྒྱུ་རྐྱེན་གྱི་དབང་དུ་འགྲོ་མི་སྲིད་པའོ།། རིགས་ཀྱི་བུ་རིམ་པས་བབས་ལུགས་བཤད་པ་ནི། ཤེས་རབ་ཀྱི་སྐུ་བཞིས་དེ་བཞིན་གཤེགས
96b2 པ་ཀུན་སྣང་གི་ཡེ་ཤེས་ལ། དབང་བཞི་རྫོགས་སུ་གནས་པ་སྟེ། མཁྱེན་པའི་སྟོབས་མི་འགགས་པས། གཞི་འགྱུར་བ་མེད་པའི་ཆོས་སྐུ་ལ། ཤེས་རབ་འགགས་པ་མེད་པའི་དབང་ཐོབ་པའོ།། ཤེས་རབ་འགགས་པ
96b3 མེད་པའི་སྐུ་བཞི་ལས། གདུལ་བྱ་ལ་སྣང་བའི་སྐུ་བཞི་ཤར་བའི་ཚེ། ཉིད་ལས་མི་གཞན་པའི་སྐུ་བཞིའོ།། ཞལ་གཟིགས་པས་ཐུགས་མཁྱེན་ཏེ། ཤེས་རབ་རིག་པའི་སྐུ་ལྔ་ལ། རང་དབང་ཡས་བབས་སུ་ཐོབ
96b4 པའོ།། དེ་བཞིན་དུ་རིགས་བཞི་ལས། སེམས་དཔའ་སེམས་མ་རང་དབང་ཡས་བབས་སུ་ཐོབ་པའོ།། ང་སྤྲུལ་པའི་སྐུ་ཤར་ཏེ། ཐུགས་ཀྱི་ཀློང་ནས་རང་ཆས་སུ་གནས་པས། ངས་མཐོང་ཞིང་གསལ་ཏེ། དེའི་ཚེ་ངས
96b5 རྟོགས་པའི་ཡེ་ཤེས་རང་དབང་སྐད་ཅིག་མ་ལ་ཐོབ་བོ།། དེ་བཞིན་དུ་ཁམས་གསུམ་པ་ཐམས་ཅད་རང་ལ་དབང་བཞི་རྫོགས་སུ་གནས་པས། རིམ་པས་རིག་པ་རྩལ་གྱི་དབང་འཐོབ་པར་འགྱུར་བར་ངས་ལུང་བསྟན
96b6 ཏོ།། ཞེས་གསུངས་སོ།། ཀྱེ་རྡོ་རྗེ་འཛིན་པ་ལེགས་པར་ཟུང་ཞིག། དབང་གི་དངོས་གཞི་ནི་བསྐུར་ཐབས་གཉིས་ཏེ། ཁྱད་པར་གྱི་དབང་རྫས་བཞི་ཤེས་རབ་ལ་བརྟེན་ནས། གཞི་རྫོགས་རིག་པ་རྩལ་དབང་དུ་བསྐུར
iiif viewer powered by OpenSeadragon
