| e-texts navigator |
| Wylie |
96a1 ལྡང་ཚད་བཤད་དུ་གསོལ།། ཞེས་ཞུས་སོ།། སྟོན་པས་བཀའ་སྩལ་པ།། རྡོ་རྗེ་འཛིན་པ་ལེགས་པར་ཟུང་ཞིག། རྒྱུད་ཀྱི་ལྡང་ཚད་རྣམ་པ་བཅུ།། དབང་དང་དམ་ཚིག་གཉིས་སུ་བཤད།། དཀྱིལ་འཁོར
96a2 ཕྲིན་ལས་གཉིས་སུ་བསྟན།། མཆོད་པ་རྣལ་འབྱོར་གཉིས་སུ་བཤད།། སྔགས་དང་ཕྱག་རྒྱ་གཉིས་སུ་བཤད།། བསྙེན་པ་བསྒྲུབ་པ་གཉིས་སུ་བསྟན།། ཀྱེ་རྡོ་རྗེ་འཛིན་པ།། དབང་ལ་རྣམ་པ་གསུམ་དུ་བསྟན།། གཞི
96a3 ལ་རྫོགས་ཚུལ་བསྟན་པ་དང་།། རིམ་པས་བབས་ལུགས་བསྟན་པ་དང་།། དབང་གི་དངོས་པོ་བསྟན་པའོ།། དང་པོ་གཞི་ལ་རྫོགས་ཚུལ་ནི།། མི་རྟོག་འགྱུར་མེད་ཆོས་སྐུ་ལ།། མཁྱེན་པའི་ཡེ་ཤེས་རྣམ་ལྔ
96a4 གསལ།། རང་ལས་མི་གཞན་སྣང་བ་ནི།། རིན་ཆེན་འོད་འབར་སྐུར་གསལ་བའི།། ཉིད་ལས་མི་གཞན་དབང་གི་ཆུ་བོ་བཞི།། མ་སྐུར་གཞི་ལ་ཡེ་ནས་རྫོགས།། སྐུ་ལྔའི་ཐུགས་རྗེ་མ་འགགས་པར།། ཁྲག་འཐུང་ཧེ་རུ
96a5 ལྔར་སྣང་བས།། ཐུགས་རྗེ་རང་བྱུང་དབང་གི་ཆུ་བོ་བཞི།། མ་བཙལ་གཞི་ལ་ཡེ་ནས་རྫོགས།། དེ་ཉིད་ཡེ་ཤེས་ལུས་ཅན་རང་སྣང་ལ།། དེ་ཉིད་དང་ལ་གནས་ཤིང་ངང་དུ་གྲོལ།། ཡེ་ཤེས་ཆེན་པོའི་དབང་གི་ཆུ་བོ
96a6 བཞི།། མ་བཙལ་མ་བསྐུར་གཞི་ལ་ཡེ་ནས་རྫོགས།། དེས་མཚོན་གསུང་གི་ངོ་བོ་ནི།། རིན་པོ་ཆེ་ཡི་ཡི་གེ་ལྔ།། མ་བཙལ་གཞི་ལ་ཡེ་གནས་པས།། དཔའ་བོ་འབྲུ་ལྔ་དབང་གི་ཆུ་བོ་བཞི།། མ་བཙལ་མ་བསྐུར་གཞི་ལ
iiif viewer powered by OpenSeadragon
