| e-texts navigator |
| Wylie |
95b1 གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། ཕུན་སུམ་ཚོགས་པ་ལྔའི་དོན་བཤད་དགོས་པ་དང་བཅས་པའི་ལེའུ་སྟེ་གྱ་བཞི་པའོ།། །། དེ་ནས་ཡང་གསང་བའི་བདག་པོས་ཞུས་པ།། ཀྱེ་ཀྱེ་བཅོམ
95b2 ལྡན་རྡོ་རྗེ་འཆང་།། རྒྱུད་རྣམས་དོན་བཤད་ཇི་ལྟར་ལགས།། ཞེས་ཞུས་པས། སྟོན་པས་བཀའ་སྩལ་པ།། རྒྱུད་ཀྱི་ངོ་བོ་ངེས་ཚིག་དང་།། དབྱེ་བ་མཐུན་པའི་དཔེ་རུ་བཤད།། རྒྱུད་ཀྱི་ངོ་བོ་བསྟན་པ་ནི།། ཚིག་གི་རྒྱུད
95b3 ཀྱི་ངོ་བོ་དང་།། དོན་གྱི་རྒྱུད་ཀྱི་ངོ་བོའོ།། དོན་གྱི་རྒྱུད་ཀྱི་ངོ་བོ་ནི།། རང་རིག་ཡེ་ཤེས་ཆེན་པོ་ཡིན།། ཚིག་གི་རྒྱུད་ཀྱི་ངོ་བོ་ནི།། མ་བསྣན་མ་ཕྲིས་མ་བྱས་དགོས་པ་ཚང་།། གླེགས་བམ་ཚིག་གི་ཚོགས་སུ་བསྟན།། རྒྱུད
95b4 ཀྱི་ངེས་ཚིག་རྣམ་པ་ལྔ།། འབྲེལ་དང་མ་ཚང་མེད་པ་དང་།། ཡོངས་སུ་རྫོགས་དང་དཀྲུགས་པ་དང་།། ཕུན་སུམ་ཚོགས་པའི་ཕྱིར་རྒྱུད་དོ།། དབྱེ་བ་ཚིག་དང་དོན་རྒྱུད་གཉིས།། གོང་བཤད་བཞིན་དུ་ཤེས་པར
95b5 བྱ།། འབྲེལ་བའི་དཔེ་ནི་དྲ་བ་བཞིན།། དགོས་པ་ཚང་བའི་ནོར་བུ་བཞིན།། ཡོངས་སུ་རྫོགས་པ་ལྗོན་ཤིང་བཞིན།། དཀྲུགས་པས་ཟགས་ཀྱི་སྤྱན་བཞིན་ནོ།། ངས་བསྟན་རྒྱུད་རྣམས་དེ་ལྟར་བཤད།། ཅེས་གསུངས
95b6 སོ།། སྤྲོས་བྲལ་དོན་གསལ་གསལ་ཆེན་པོའི་རྒྱུད་ལས། རྒྱུད་ཀྱི་དོན་བཤད་བསྟན་པའི་ལེའུ་སྟེ་གྱ་ལྔ་པའོ།། །། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། གོང་བཤད་རྒྱུད་ཀྱི
iiif viewer powered by OpenSeadragon
