| e-texts navigator |
| Wylie |
95a1 ཚོགས་པར་སྦྱོར།། ཅི་ཕྱིར་ཕུན་སུམ་ཚོགས་ཟེར་ན།། ཀུན་ནས་དགོས་པ་ཚང་བས་ཕུན་སུམ་ཚོགས།། ངེས་ཚིག་གཏན་ཚིགས་བཅས་པ་ཡིན།། དབྱེ་བ་གོང་དུ་བསྟན་པ་བཞིན།། དཔེར་ན་རྒྱལ་བློན
95a2 དམངས་དང་གསུམ།། གང་ལ་གང་ཚོགས་བཀའ་བགྲོས་འབྱུང་།། དེས་མཚོན་ཕྱོགས་གཅིག་དཔེར་བསྟན་པའོ།། ཞེས་གསུངས་སོ།། ཡང་གསང་བའི་བདག་པོས་ཞུས་པ།། ཕུན་སུམ་ཚོགས་པ་རྣམ་པ་ལྔ།། སྨོས
95a3 པའི་དགོས་པ་ཇི་ལྟར་ལགས།། མ་བསྟན་སྐྱོན་ཏུ་ཇི་ལྟར་འགྱུར།། ཞེས་ཞུས་སོ།། སྟོན་པས་བཀའ་སྩལ་པ། སྟོན་པ་ཕུན་སུམ་ཚོགས་པ་སྨོས་པའི་དགོས་པ་ནི།། གང་ཟག་རིག་བཅོས་མ་ཡིན་པར།། སངས་རྒྱས
95a4 ཞལ་ནས་གསུངས་པ་ཡིད་ཆེས་ཏེ།། མི་བསླུ་བདེན་པའི་གཏན་ཚིགས་དག་ཏུ་འགྱུར།། བསྟན་པ་ཕུན་སུམ་ཚོགས་པ་སྨོས་པའི་དགོས་པ་ནི།། བབ་ཅོལ་མ་ཡིན་དོན་དང་ལྡན་པར་ཡིད་ཀྱང་ཆེས།། འདུས་པའི་འཁོར
95a5 ཚོགས་སྨོས་པའི་དགོས་པ་ནི།། ཀུན་གྱི་ཐུན་མོང་མ་ཡིན་པའི།། ངེས་པར་སྟོན་པས་གསུངས་པར་ཡིད་ཀྱང་ཆེས།། གནས་ཀྱི་བྱེ་བྲག་གསུངས་པའི་དགོས་པ་ནི།། གཞན་དུ་བསྟན་པའི་སྙིང་པོ་མ་གསུངས
95a6 པར།། ངེས་པའི་གནས་དེར་གསུངས་པར་ཡིད་ཀྱང་ཆེས།། དུས་ཀྱི་ཕུན་སུམ་ཚོགས་པ་སྨོས་པའི་དགོས་པ་ནི།། གནས་སྐབས་སྔ་ཕྱི་མ་བསྐལ་བར།། དུས་ཚོད་མཚུངས་ཤིང་ཟིན་པས་ཡིད་ཀྱང་ཆེས།། ཞེས
iiif viewer powered by OpenSeadragon
