| e-texts navigator |
| Wylie |
93b1 ལགས།། སྤྱན་ཞེས་བྱ་བ་ཇི་ལྟར་ལགས།། ལུས་སེམས་བྲལ་ཞེས་བྱ་བ་ཇི་ལྟར་ལགས།། ལྔ་ལྡན་རྫོགས་ལྡན་ཇི་ལྟར་ལགས།། ཐུགས་རྗེའི་བྱེ་བྲག་ཇི་ལྟར་ལགས།། མྱ་ངན་འདའ་ལུགས་ཇི་ལྟར་ལགས།། པས
93b2 རྒོལ་རྩོད་པ་ཅི་ལྟར་བཟློག། སྣ་ཚོགས་འབྲུ་རྣམས་ཇི་ལྟར་གཞོམ།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས།། ཞུ་ཚིག་ངེས་པའི་སྡོམ་དང་བཅས་པའི་ལེའུ་སྟེ་གྱ་གཉིས་པའོ།། །། དེ་ནས
93b3 སྟོན་པས་བཀའ་སྩལ་པ།། རྡོ་རྗེ་འཛིན་པ་ངེས་ཟུང་ཞིག། རྒྱུད་ནི་ཕུན་སུམ་ཚོགས་པ་རྣམ་ལྔས་བཤད།། དེ་ལ་དབྱེ་བ་རྣམ་གསུམ་སྟེ།། ཆོས་སྐུ་ཕུན་སུམ་ཚོགས་པ་དང་།། ལོངས་སྐུ་ཕུན་སུམ་ཚོགས་པ་དང་།། སྦྲུལ
93b4 སྐུ་ཕུན་སུམ་ཚོགས་པའོ།། ཆོས་སྐུ་ཕུན་སུམ་ཚོགས་པ་ལྔ།། སྟོན་པ་འགྱུར་མེད་ཆོས་ཀྱི་སྐུ།། བསྟན་པ་མི་ནུབ་རྒྱལ་མཚན་ནི།། གསང་བ་རིག་པའི་རྒྱུད་ཆེན་ལྔ།། འདུས་པའི་འཁོར་ཚོགས་གཉིས་ལས་མི
93b5 གཞན་པ།། རིགས་ལྔ་བདེ་གཤེགས་འོད་དུ་འབར་བ་ལྔ།། བཞུགས་གནས་སྐྱེ་མེད་ཆོས་ཀྱི་དབྱིངས།། དུས་ནི་འདས་དུས་མ་བྱོན་སྔོན་རོལ་ནས།། རྟོག་མེད་སྟོན་པས་བྱིན་གྱི་རླབས་ཀྱིས་བཤད།། ཉིད་ལས་མི
93b6 གཞན་སྐུ་ལྔ་རང་རང་གིས།། རྒྱུད་ཆེན་བྱིན་གྱི་རླབས་ཀྱིས་གོ།། དེ་ནས་ཡང་སྟོན་པས་ལོངས་སྐུའི་ཕུན་སུམ་ཚོགས་པ་ལྔ་གསུངས་སོ།། སྟོན་པ་རིགས་ལྔ་བདེ་བར་གཤེགས་པ་ལྔ།། བསྟན་པ་གསང་བའི་རྒྱུད་ཆེན
iiif viewer powered by OpenSeadragon
