| e-texts navigator |
| Wylie |
93a1 པ་བྱུང་ན་དེ་ལྟར་བརྗོད།། གོལ་སྒྲིབ་མེད་པར་བཤད་ན་དེ་སྐད་བཤད།། གཞན་ཡང་འབོད་སྐད་ངག་གི་ཁོག་སྡེབས་ལ།། དོན་གསལ་ནང་འདིར་བསྟན་པ་བཞིན་དུ་སྤྱད།། ཅེས་གསུངས་སོ།། སྤྲོས
93a2 བྲལ་དོན་གསལ་ཆེན་པོའི་རྒྱུད་ལས། གོལ་ས་བཤད་པ་དང་མཚོན་ཚིག་བསྡུས་པ་བསྟན་པའི་ལེའུ་སྟེ་གྱ་གཅིག་པའོ།། །། དཀོར་མཛོད་གསུམ་གྱི་སྒོ་ཕྱེ་ནས།། གསལ་ཞིང་སྒྲོན་མེས། རྒྱལ་བློན་དམངས་དང
93a3 གསུམ་གྱིས་ནོར་འབྱིན་ཅིང་མུན་པ་སེལ་བའི་མན་ངག། ཏནྟ་ཨ་ནུ་ཨུ་པ་ཨརྷ་ཀ་ལ་ས་ཏ་ཧཱུཾ། དེའི་ཚེ་བཅོམ་ལྡན་འདས་གསང་བ་བླ་ན་མེད་པ་མཚོན་པའི་དགོངས་པ་ལ་བཞུགས་སོ།། དེ་ནས་ཡང་གསང
93a4 བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་དོན་གསལ་མཁྱེན།། ཐེག་པ་སྤྱི་ཡི་མཚན་ཉིད་དང་།། རང་གི་དོན་རྣམས་དེ་ལྟར་ན།། རང་དོན་མ་ལུས་ཀུན་བཤད་པའི།། རྒྱུད་ལུང་མན་ངག་ཇི་ལྟར་བཤད།། རྒྱུད་ཀྱི
93a5 ང་ཚད་ཇི་ལྟར་ལགས།། དེ་ཡི་ནང་ནས་གསུངས་པ་ཡི།། སྦྱང་བ་མེད་པའི་ས་རྣམས་དང་།། བགྲོད་དུ་མེད་པའི་ལམ་རྣམས་དང་།། སྨད་མི་དགོས་པའི་ཕ་རོལ་ཕྱིན་པ་རྣམས།། སྒྲ་མཐུན་དོན་དཔག་ཇི་ལྟར
93a6 ལགས།། སྦུབས་ཞེས་སྤྲོས་པ་ཇི་ལྟར་ལགས།། སྣང་བ་ཞེས་པ་ཇི་ལྟར་ལགས།། ཆ་ལུགས་རྣམ་བཞི་ཇི་ལྟར་ལགས།། སེམས་དང་ཡེ་ཤེས་ཇི་ལྟར་ལགས།། བར་དོ་བཞི་ནི་ཅི་ལ་བགྱི།། གྲོལ་དང་མ་གྲོལ་ཇི་ལྟར
iiif viewer powered by OpenSeadragon
