| e-texts navigator |
| Wylie |
90b1 ཀྱེ་བཅོམ་ལྡན་རྡོ་རྗེ་འཆང་།། མངོན་པར་སངས་རྒྱས་ཆེ་བ་ཇི་ལྟར་ལགས།། ཞུས་པས།། སྟོན་པས་བཀའ་སྩལ་པ།། བདག་མེད་སྐུ་ནི་སྟོན་པ་ཆེ།། རང་རིག་ཡེ་ཤེས་བསྟན་པ་ཆེ།། མ་བྲིས་དཀྱིལ་འཁོར་གནས་སུ
90b2 ཆེ།། སྲོག་མེད་སྐུ་ལྔ་འཁོར་དུ་ཆེ།། ཡེ་ནས་ལྷུན་གྲུབ་དུས་སུ་ཆེ།། ཞེས་གསུངས་སོ།། ལག་ན་རྡོ་རྗེ་ཞུས་པ། ཆོས་དབྱིངས་སངས་རྒྱས་ཆེ་བ་ཇི་ལྟར་ལགས།། ཞེས་ཞུས་སོ།། ཡང་སྟོན་པས་བཀའ་སྩལ་པ།། ཆོས
90b3 སྐུའི་དཀྱིལ་འཁོར་བཞུགས་པའི་གདན།། རྣམ་དག་དབྱིངས་ཀྱི་ཐིག་ལེ་ལ།། གཅིག་ལ་མཚན་ཉིད་ལྔ་དང་ལྡན།། འགྱུར་བ་མེད་པ་རྡོ་རྗེ་དབྱིངས།། ཡོན་ཏན་སྡུད་པ་རིན་ཆེན་དབྱིངས།། དྲི་མ་མེད་པ་པདྨའི
90b4 དབྱིངས།། ཐོག་མེད་བསྟན་པས་ལས་ཀྱི་དབྱིངས།། མ་བསྒྲིབས་གསལ་ཁྱབ་ནམ་མཁའི་དབྱིངས།། རང་རིག་ཡེ་ཤེས་གདངས་ཤར་བས།། ཡེ་ཤེས་དབང་གི་བུམ་པ་ལྔ།། སྐྱེ་མེད་ཀློང་ནས་འགག་པ་མེད།། དེ་ཡིས
90b5 དངལ་འདུ་འབྲལ་མེད།། ས་ཆུ་མེ་རླུང་ནམ་མཁའ་ལྔ།། དེ་ཡི་སྩལ་དུ་སྣང་བ་སྟེ།། ཆོས་ཉིད་ལྔ་རུ་ཡེ་སངས་རྒྱས།། ཡེ་ཤེས་ལྔ་དང་སྐུ་གསུམ་གྱི།། བཞུགས་པའི་གནས་ཏེ་ཀུན་ལས་ཁྱད་པར་འཕགས།། ས་ཆུ་མེ
90b6 རླུང་རྣམ་པར་དག་པས་ཆེ།། ཞེས་གསུངས་སོ།། ལག་ན་རྡོ་རྗེ་ཡང་ཞུས་པ།། བདག་ཉིད་སངས་རྒྱས་ཆེ་བ་ཇི་ལྟར་ལགས།། ཞེས་ཞུས་སོ།། སྟོན་པས་བཀའ་སྩལ་པ། སྦྲུལ་སྐུའི་སྣོད་གྱུར་འབྱུང་བ་ལྔ།། རང་ལས་བྱུང
iiif viewer powered by OpenSeadragon
