| e-texts navigator |
| Wylie |
90a1 ལའང་བཞི་བཞི་སྟེ།། ལྷ་སྤྱོད་སྒྲུབ་དང་འབྲས་བུའོ།། དཔེ་ནི་མཆོད་རྟེན་ཁྲི་འཕང་བཞིན།། ཨ་ཏི་མ་འདྲེས་ཡོངས་སུ་རྫོགས།། གཉིས་མེད་ཆོས་སྐུ་དབྱེར་མེད་ཤེས་རབ་ལ།། བཟང་ངན་ཆེ་ཆུང་མཐོ
90a2 དམན་མི་གནས་ཀྱང་།། བློ་དང་སྦྱར་ནས་དྲང་བའི་ཐབས་སུ་བསྟན།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། འཕགས་པའི་དོན་བཤད་པའི་ལེའུ་སྟེ་དོན་བརྒྱད་པའོ།། །། དེ་ནས་ཡང
90a3 གསང་བའི་བདག་པོས་ཞུས་པ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། སྤྲོས་བྲལ་འཕགས་པ་ཆེ་བ་སྟེ།། ཆེ་བའི་བྱེ་བྲག་གསུང་དུ་གསོལ།། ཞེས་ཞུས་སོ།། སྟོན་པས་བཀའ་སྩལ་པ།། རྡོ་རྗེ་འཛིན་པ་ངེས་ཟུང
90a4 ཞིག། གནས་སྐབས་འགྱུར་བའི་ཆེ་བ་རྣམས།། ཐེག་པ་སོ་སོའི་ཆེ་བ་ཡིན།། མཐར་ཐུག་ཆེན་པོ་རྣམ་པ་ལྔ།། ཡེ་ནས་འདུ་འབྲལ་མེད་པ་ནི།། ཕུན་སུམ་ཚོགས་པ་རྣམ་པ་ལྔས།། མངོན་པར་སངས་རྒྱས་ཆེ་བ
90a5 དང་།། བཞུགས་གནས་དབྱིངས་ཀྱི་མཚན་ཉིད་ལྔས།། ཆོས་དབྱིངས་སངས་རྒྱས་ཆེ་བ་དང་།། བདག་ཉིད་ཆེན་པོ་རང་ལ་རྫོགས་པ་ཡིས།། བདག་ཉིད་སངས་རྒྱས་ཆེ་བ་དང་།། གཏན་ལ་འབེབས་པའི་ཐབས་ཆེན
90a6 ལྔས།། དེ་ཉིད་སངས་རྒྱས་ཡིན་པས་ཆེ་བ་དང་།། དྲི་མེད་རྣམ་པ་ལྔ་ཡིས་འཕགས་པས་ཆེ་བ་དང་།། ཐམས་ཅད་སངས་རྒྱས་པས་ནི་ཆེ་བ་རྣམ་ལྔ་ཡིན།། ཞེས་གསུངས་སོ།། ཡང་གསང་བའི་བདག་པོས་ཞུས་པ།། ཀྱེ
iiif viewer powered by OpenSeadragon
