| e-texts navigator |
| Wylie |
89b1 འཕགས་ཏེ།། སྣང་སྲིད་ཐམས་ཅད་ཆོས་སྐུའི་སངས་རྒྱས་བལྟ་བས་ལྟ་བ་འཕགས།། ཆོས་སྐུའི་བྱིན་བརླབས་སྒོ་ནས་འགྲོ་དོན་མཛད་པས་སྤྱོད་པ་འཕགས།། བྱ་རྩོལ་མེད་པར་བསྒྲུབ་པས་སྒྲུབ་པ་འཕགས།། བཅུ
89b2 གསུམ་འཁོར་ལོ་ཚོགས་ཆེན་ཡན་ཆད་ནས།། ཉི་ཤུ་རྩ་གཅིག་མན་ཆད་ས་ནོན་འབྲས་བུ་འཕགས།། ཀྱེ་རིགས་ཀྱི་བུ། ངས་བསྟན་རྒྱུད་ལུང་ཐམས་ཅད་དུ།། འཕགས་པ་འཕགས་ཆེན་ཨ་ནུ་དང་།། གོང་འོག་ཤན
89b3 དབྱེ་གང་བྱུང་བ།། འདིར་བཤད་བཞིན་དུ་ཤེས་པར་གྱིས།། ཞེས་གསུངས་སོ།། སྤྱོད་བྲལ་དོན་གསལ་ཆེན་པོའི་རྒྱུད་ལས། ཐེག་པ་བརྒྱད་ཀྱི་འཕགས་ལུགས་བསྡུས་ནས་བསྟན་པའི་ལེའུ་སྟེ་དོན་བདུན
89b4 པའོ།། །། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། འཕགས་པའི་དོན་བཤད་གསུང་དུ་གསོལ།། ཞེས་ཞུས་སོ།། སྟོན་པས་བཀའ་སྩལ་པ། ངས་བཤད་ཁྱོད་ཀྱིས་ལེགས
89b5 པར་ཟུང་།། འཕགས་པའི་ངོ་བོ་ངེས་ཚིག་དང་།། དབྱེ་བ་ཞེས་བྱ་འཕགས་པའི་དཔེ།། རྣམ་པ་བཞི་རུ་བསྡུས་ལ་བཤད།། འཕགས་པ་དག་གི་ངོ་བོ་ནི།། ཁྱད་པར་དོན་ཆེན་མཆོག་གྱུར་པའོ།། འཕགས་པ་དག་གི་ངེས
89b6 ཚིག་ནི།། མི་གནས་རིང་པོར་གང་གྱུར་ཕྱིར།། ངེས་ཚིག་གཏན་ཚིགས་བཅས་པ་ཡིན།། དབྱེ་བ་རྣམ་པ་གཉིས་ཡིན་ཏེ།། གནས་སྐབས་འགྱུར་བས་འཕགས་པ་དང་།། འགྱུར་མེད་མཐར་ཐུག་འཕགས་པའོ།། རེ་རེ
iiif viewer powered by OpenSeadragon
