| e-texts navigator |
| Wylie |
88b1 ཉན་ཐོས་འཕགས།། དེ་ཡང་ཅི་ལྟར་འཕགས་ཞེ་ན།། གང་ཟག་བདག་མེད་རྟོགས་པས་ལྟ་བ་འཕགས།། དགེ་བཅུ་རང་གིས་དོན་དུ་སྤྱོད་པས་སྤྱོད་པ་འཕགས།། བདེན་པ་བཞི་ཡི་སྒོ་ནས་བསྒྲུབ་པས་སྒྲུབ་པ
88b2 འཕགས།། དགྲ་བཅོམ་ལ་སོགས་ཟུང་བཞི་ཡ་བརྒྱད་ཐོབ་པས་འབྲས་བུ་འཕགས།། ཉན་ཐོས་དག་ལས་རང་རྒྱལ་འཕགས་པ་ཡང་།། གཟུགས་ཕུང་ཆོས་ཁམས་ཕྱོགས་གཅིག་ལ།། བདག་མེད་རྟོགས་པའི་ལྟ་བ
88b3 འཕགས།། དགེ་བཅུའི་སྟེང་དུ་རྫུ་འཕྲུལ་ཡ་མ་ཟུང་འགའ་ཡིས།། འགྲོ་དོན་མཛད་ཤས་ཙམ་པས་སྤྱོད་པ་འཕགས།། དགེ་བའི་བཤེས་གཉེན་མི་བསྟེན་པར།། གོམས་པའི་ཤུགས་ཀྱིས་བསྒྲུབ་པས་སྒྲུབ་པ
88b4 འཕགས།། ནེ་ཙོ་བསེ་རུ་ལྟ་བུའི་འབྲས་བུ་ཁྱད་པར་འཕགས།། རང་རྒྱལ་དག་ལས་བྱང་སེམས་འཕགས་པ་ཡང་།། བདག་མེད་རྣམ་གཉིས་རྟོགས་པས་ལྟ་བ་འཕགས།། ཚད་མེད་བསྡུ་བ་རྣམ་བཞིས་དོན་མཛད་སྤྱོད
88b5 པ་འཕགས།། ཕ་རོལ་ཕྱིན་བཅུ་བསྒྲུབ་པས་བསྒྲུབ་པ་འཕགས།། ཀུན་ཏུ་འོད་ཀྱི་ས་ནོན་འབྲས་བུ་འཕགས།། བྱང་སེམས་དག་ལས་ཀྲི་ཡ་འཕགས་པ་སྟེ།། དོན་དམ་སྐྱེ་བ་མེད་པར་རབ་རྟོགས་ཏེ། ཀུན་རྫོབ་བདག
88b6 དང་ཡེ་ཤེས་ལྷ།། རྗེ་འབངས་ལྟ་བུར་བལྟ་བས་ལྟ་བ་འཕགས།། དག་པ་རྣམ་གསུམ་སྤྱོད་པས་སྤྱོད་པ་འཕགས།། གོམས་དང་བསྒྱུར་དང་བྱིན་རླབས་སྒོ་ནས་བསྒྲུབ་པས་སྒྲུབ་པ་འཕགས།། རིགས་གསུམ་འབྲས
iiif viewer powered by OpenSeadragon
