| e-texts navigator |
| Wylie |
87b1 ཚིག་ནི། གྲོལ་སྨིན་རྫོགས་མཐར་ཕྱིན་ཕྱིར་མི་ལྡོག་པའོ།། དབྱེ་ན་ཟག་བཅས་ཟག་པ་མེད་པའོ།། རིམ་བཞིན་གཅིག་ཆར་རྫོགས་པའི་དཔེ།། ཤིང་རྟོག་ལོ་རྟོག་སྨིན་པའམ།། ཨུ་དུམ་ཝ་རའི་འབྲས་བུ་བཞིན།། ཀྱེ
87b2 གསང་བདག་ངེས་པར་ཟུང་ཞིག། ངས་བསྟན་རྒྱུད་ལུང་ཐམས་ཅད་དུ།། སོ་སོའི་འབྲས་བུ་གར་བྱུང་ཡང་།། འདི་བསྟན་བཞིན་དུ་ཤེས་པར་བྱ།། འབྲས་བུ་མཚོན་པའི་ཚིགས་ཚོགས་ནི།། མཐར་ཕྱིན་པ་དང་རྫོགས
87b3 པ་དང་།། སྨིན་པ་དང་ནི་གྲུབ་པ་དང་།། གྲོལ་དང་ཕྱིར་མི་ལྡོག་ལ་སོགས།། དང་པོ་དགྲ་བཅོམ་ཞེས་པ་ནས།། ཐ་མ་རང་ས་ཟིན་པ་དག། ངས་བསྟན་བཞིན་དུ་ཤེས་པར་གྱིས།། ཞེས་གསུངས་སོ།། སྤྲོས་བྲལ་དོན
87b4 གསལ་ཆེན་པོའི་རྒྱུད་ལས། འབྲས་བུའི་དོན་བཤད་པའི་ལེའུ་སྟེ་དོན་ལྔ་པའོ།། །། ཀྱེ་ཀྱེ་བཅོམ་ལྡན་རྡོ་རྗེ་འཆང་།། ལྷ་སྒོམ་སྤྱོད་པ་ཡོངས་རྫོགས་པའི།། ཐེག་པ་དགུ་ཡི་མིང་གི་ངེས་ཚིག་གསུང་དུ
87b5 གསོལ།། ཞེས་ཞུས་སོ།། སྟོན་པས་བཀའ་སྩལ་པ།། སོ་སོའི་ངེས་ཚིག་ནི།། ངས་བསྟན་ཁྱོད་ཀྱིས་ཡིད་ལ་ཟུང་།། སྟོན་པས་གསུང་པའི་དོན་ཚིག་རྣམས།། རྣ་བའི་དབང་པོས་ཉན་ཞིང་ཡིད་ཀྱི་དབང་པོས་ཐོས།། རང
87b6 རིག་ཁོང་ནས་མི་འཆར་བ།། སྟོན་པའི་གསུངས་ལ་རག་ལུས་པ།། དེ་དོན་གཞན་ལ་སྒྲོག་བྱེད་པ།། ཉན་ཐོས་མིང་གི་ངེས་ཚིག་ཡིན།། སྟོན་པ་གཞན་ལ་མི་ལྟོས་པར།། གོམས་པའི་མཐུ་ཡིས་བསྒྲུབས་པས་རང
iiif viewer powered by OpenSeadragon
