| e-texts navigator |
| Wylie |
87a1 དང་།། དབྱེ་བ་མཐུན་དཔེ་བརྗོད་ཚིག་དང་།། བསྡུས་ཏེ་བརྗོད་པའི་དོན་བཤད་པ། སྤྱོད་པའི་ངོ་བོ་ནི། སྤྱོད་པ་མ་འགགས་པར་དོན་ལ་སྦྱོར་བའོ།། སྤྱོད་པའི་ངེས་ཚིག་ནི་དོན་སོ་སོ་དང་མཐུན་པར
87a2 འཇུག་ཅིང་ལོངས་སྤྱོད་པས་ནའོ།། དབྱེ་ན་རྣམ་པ་གཉིས་ཡིན་ཏེ། བླང་དོར་ཡོད་ཅེས་སྤྱོད་པ་དང་།། བླང་དོར་མེད་ཅེས་སྤྱོད་པའོ།། དཔེ་ནི་སྣ་ཚོགས་སྒྱུ་མའི་གར་མཁན་ལྟ་བུ་དང་།། གང་ལྟར་ཡང་བ་དེ་དོན་ལ
87a3 སྦྱོར་ཤེས་པའི་དཔེ།། བཟོ་བོ་མཁས་པའི་སྐྱེས་བུ་ལག་གི་འདུ་བྱེད་མཁན་ལྟ་བུའོ།། ཀྱེ་གསང་བའི་བདག་པོ། ངས་བསྟན་རྒྱུད་ལུང་ཐམས་ཅད་ནས།། སྤྱོད་པ་དང་ནི་ཕྲིན་ལས་དང་།། བྱ་བ་བྱེད་པའི་ཚིག་རྣམས
87a4 དང་།། རྣལ་འབྱོར་རབ་འབྲིང་ཐ་མ་དང་།། གཞི་ལམ་འབྲས་བུའི་སྤྱོད་པ་རྣམས།། གང་བྱུང་ཡང་ངས་བསྟན་པ་བཞིན་དུ་སྤྱོད།། ཅེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། སྤྱོད་པ་བསྡུས་ནས
87a5 བསྟན་པའི་ལེའུ་སྟེ་དོན་བཞི་པའོ།། །། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། འབྲས་བུའི་དོན་བཤད་གསུང་དུ་གསོལ། ཞེས་ཞུས་སོ།། སྟོན་པས་བཀའ་སྩལ་པ།། ཀྱེ་རྡོ
87a6 རྗེ་འཛིན་པ་ལེགས་པར་ཟུང་ཞིག། འབྲས་བུའི་ངོ་བོ་ངེས་ཚིག་དང་།། དབྱེ་བ་མཐུན་དཔེ་བརྗོད་ཚིག་རྣམས།། བསྡུས་པ་ང་ཡིས་ངེས་པར་བཤད།། འབྲས་བུའི་ངོ་བོ་ནི། སོ་སོའི་ལྟ་བ་ཡོངས་སུ་རྫོགས་པའོ།། ངེས
iiif viewer powered by OpenSeadragon
