| e-texts navigator |
| Wylie |
86b1 བས།། སྦྱོར་སྦྱིན་སྦྲང་མའི་འདབ་མ་བཞིན།། མ་བསྒོམས་ངང་གིས་གསལ་བ་ནི།། གསལ་གདངས་ཉི་མའི་སྙིང་པོ་འདྲ།། ཀྱེ་གསང་བའི་བདག་པོ་ངེས་ཟུང་ཞིག། ངས་བསྟན་རྒྱུད་ལུང་ཐམས་ཅད་ནས།། བསྒོམ
86b2 མེད་ཞེས་པའི་ཚིག་རྣམས་དང་།། གནས་མི་དགོས་པའི་ཚིག་རྣམས་དང་།། བསྒྲུབ་ཏུ་མེད་པའི་ཚིག་རྣམས་དང་།། འདུ་འབྲལ་མེད་པའི་ཚིག་རྣམས་དང་།། རང་དངས་རང་བཞིན་བདག་ཉིད་ཆེན་པོ་དང་།། ཡེ་ནས
86b3 འདུ་འབྲལ་མེད་པ་དང་།། བྱ་རྩོལ་རྣམས་ལས་འདས་པ་དང་།། ལམ་ལ་བགྲོད་དུ་མེད་པ་དང་།། རྟོགས་པ་མངོན་གྱུར་སངས་རྒྱས་དང་།། རང་བྱུང་ཡེ་ཤེས་ཆེན་པོ་དང་།། ལྷུན་གྲུབ་ཡེ་སངས་རྒྱས་པ་དང་།། ཡིད
86b4 ལ་བྱ་རྒྱུ་མེད་པ་དང་།། དམིགས་པའི་ཡུལ་ལས་བྲལ་བ་དང་།། བསྒོམ་མེད་བློ་བཞག་ཅེས་པ་དང་། བསྒོམ་དུ་མེད་པའི་ཚིག་ཐམས་ཅད་ནི། འབོད་སྐད་ཀྱིས་བསྡེབས་ལངས་འདིར་བསྟན་པ་བཞིན་དུ་ཤེས་པར
86b5 གྱིས་ཤིག། ཅེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། བསྒོམ་མེད་དོན་བཤད་བརྗོད་པའི་ཚིག་དང་བཅས་པ་བསྟན་པའི་ལེའུ་སྟེ་དོན་གསུམ་པའོ།། །། དེ་ནས་ཡང་གསང
86b6 བདག་པོས་ཞུས་པ། ཀྱེ་ཀྱེ་བཅོམ་ལྡན་ཐབས་ལ་མཁས།། སྤྱོད་པའི་དོན་བཤད་གསུང་དུ་གསོལ།། ཞེས་ཞུས་སོ།། སྟོན་པས་བཀའ་སྩལ་པ། གསང་བའི་བདག་པོ་ལེགས་པར་ཟུང་ཞིག་སྤྱོད་པའི་ངོ་བོ་ངེས་ཚིག
iiif viewer powered by OpenSeadragon
