| e-texts navigator |
| Wylie |
86a1 སྡོང་བུ་གནས་པ་དང་།། ཆུ་དང་འོ་མ་འདྲེས་པ་དང་།། ནོར་བུ་ཆུ་དངས་ལྟ་བུ་དང་།། བུམ་པའི་མར་མེ་ལྟ་བུའོ།། ཀྱེ་གསང་བའི་བདག་པོ་ངེས་པར་ཟུང་ཞིག། དགོངས་པ་ཞེས་པ་གང་བྱུང
86a2 ཡང་།། བསྒོམ་པ་བསམ་གཏན་ཏིང་འཛིན་དང་།། མ་ཡེངས་མ་འཕྲོས་འདུ་འབྲལ་མེད།། གནས་དང་གོམས་དང་འདྲིས་པ་དང་།། དེ་རྣམས་གང་བྱུང་འབོད་སྐད་སྡེབས་ལ་བཤད།། ཅེས་གསུངས་སོ།། སྤྲོས་བྲལ
86a3 དོན་གསལ་ཆེན་པོའི་རྒྱུད་ལས། བསྒོམ་པའི་དོན་བཤད་པ་མཚོན་པའི་ཚིག་དང་བཅས་པའི་ལེའུ་སྟེ་དོན་གཉིས་པའོ།། །། དེ་ནས་ཡང་གསང་བའི་བདག་པོས་ཞུས་པ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། བསྒོམ
86a4 མེད་དོན་བཤད་གསུང་དུ་གསོལ།། ཞེས་ཞུས་སོ།། སྟོན་པས་བཀའ་སྩལ་པ། ལག་ན་རྡོ་རྗེ་ངེས་ཟུང་ཞིག། བསྒོམ་མེད་ངོ་བོ་ངེས་ཚིག་དང་།། དབྱེ་བ་མཐུན་དཔེ་བརྗོད་ཚིག་བཤད།། ངོ་བོ་རང་རིག་རྒྱུན་ཆད་མེད
86a5 པ་ཡིན།། ཡིད་ལ་མི་བྱེད་དེ་ཡི་ཕྱིར་ན་བསྒོམ་དུ་མེད་པའི་ཚིག། ངང་གནས་མི་ཕྱེད་ཕྱིར་དང་བྱ་མི་དགོས་པའོ།། བསྒོམ་མེད་དབྱེ་བ་རྣམ་པ་གཉིས།། མཚན་བཅས་བསྒོམ་དུ་མེད་པ་དང་།། མཚན་མེད་བསྒོམ་དུ
86a6 མེད་པའོ།། རེ་རེ་ལའང་རྣམ་པ་གཉིས།། གཞི་ལ་བསྒོམ་དུ་མེད་པ་དང་།། རྟོགས་པས་བསྒོམ་དུ་མེད་པའོ།། མ་བསྒོམས་རྒྱུན་ཆད་མེད་པའི་དཔེ།། ཆུ་བོ་ལྟ་བུར་བསྟན་པ་ཡིན།། མ་བསྒོམས་དོན་དང་མི་བྲལ
iiif viewer powered by OpenSeadragon
