| e-texts navigator |
| Wylie |
85b1 དང་།། དབྱིངས་དང་ཡེ་ཤེས་ཚིག་བྱུང་ན།། ཨ་ནུ་ཡོ་གའི་ལྟ་བ་ཡིན།། བྱ་རྩོལ་འདས་པའི་ཚིགས་ཚོགས་དང་།། རང་བྱུང་ཡེ་ཤེས་ཚིག་རྣམས་དང་།། ལྷུན་གྲུབ་ཡེ་སངས་རྒྱས་ལ་སོགས།། འདི་རྣམས་རྫོགས་ཆེན་ལྟ།
85b2 བར་བཤད།། ཟུར་ཙམ་མདོར་བསྡུས་བསྟན་པ་ཡིན།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། ལྟ་བའི་དོན་བཤད་པ་དང་མཚོན་པའི་ཚིགས་བསྟན་པའི་ལེའུ་སྟེ་དོན་གཅིག
85b3 པའོ།། །། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། དགོངས་པ་བསྒོམ་པ་རྣམ་ཕྱེ་བ།། དེ་ཡི་དོན་བཤད་གསུང་དུ་གསོལ།། ཞེས་ཞུས་སོ།། སྟོན་པས་བཀའ་སྩལ་པ། རྡོ་རྗེ
85b4 འཛིན་པ་ལེགས་པར་ཟུང་ཞིག། ངོ་བོ་ངེས་ཚིག་དབྱེ་བ་དང་།། མཐུན་དཔེ་བརྗོད་པའི་ཚིག་ཏུ་བསྟན།། ངོ་བོ་གཅིག་ཏུ་གནས་པ་ཡིན།། བསྒོམ་པའི་ངེས་ཚིག་རྣམ་པ་བཞི།། དོན་ལ་དམིགས་པའི་བསྒོམ་པ
85b5 ཡིན།། མ་ཡེངས་པས་ན་བསྒོམ་པ་ཡིན།། མི་འབྲལ་བས་ན་བསྒོམ་པ་ཡིན།། གོམས་ཤིང་འདྲིས་དང་མི་འཕྲོ་བའོ།། དབྱེ་བ་རྣམ་པ་གཉིས་སུ་བསྟན།། མཚན་བཅས་མཚན་མེད་གཉིས་ཡིན་ནོ།། མཚན་མེད་ལའང
85b6 གཉིས་ཡིན་ཏེ།། རྩོལ་བྲལ་ཆེན་པོའི་བསྒོམ་ཐབས་དང་།། རྩོལ་བ་བྲལ་བའི་བསྒོམ་པའོ།། མཚན་བཅས་ལའང་དེ་བཞིན་ནོ།། མདོར་ན་བསྐྱེད་རྫོགས་རྣམ་གཉིས་ཏེ།། བསྒོམ་པ་མཚོན་པའི་དཔེ་བཞི་སྟེ།། མར་ཁུ
iiif viewer powered by OpenSeadragon
