| e-texts navigator |
| Wylie |
85a1 ཡ་རྗེ་དང་འབངས་ལྟ་བུའོ།། ཡོ་ག་སྤུན་དང་གྲོགས་པོའི་དཔེ།། མ་ཧཱ་ཡོ་ག་རྒྱལ་པོ་མངའ་དར་བཞིན།། ཨ་ནུ་ཡོ་ག་ཕོ་མོ་སྙོམས་འཇུག་བཞིན།། ཨ་ཏི་ཡོ་ག་ཁྱུང་ཆེན་མཁའ་ལ་ལྡིང་བ་བཞིན།། ཞེས
85a2 གསུངས་སོ།། ཡང་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། དེས་མཚོན་པའི་ཚིག་རྣམས་གསུང་དུ་གསོལ།། ཞེས་ཞུས་སོ།། སྟོན་པས་བཀའ་སྩལ་པ།། ངས་བསྟན་རྒྱུད་ལུང་ཐམས་ཅད་དུ།། ལྟ་བ་ཞེས་པའི་ཚིག
85a3 རྣམས་དང་།། གྲུབ་མཐའ་ཞེས་པའི་ཚིག་རྣམས་དང་།། ཡང་དག་ཞེས་པའི་ཚིག་རྣམས་དང་།། མཐར་ཟུག་པ་དང་མཐར་ཕྱིན་དང་།། འབྲས་བུ་ཞེས་པ་གང་བྱུང་ཡང་།། དེ་མཚོན་ཚིག་ཏུ་བསྡུས་པ་ཡིན།། སོ་སོའི
85a4 གནས་སྐབས་ཤེས་པར་བྱ།། ཀྱེ་སེམས་པ་ཆེན་པོ། གཟུང་འཛིན་གཉིས་སུ་འདོད་པ་ཉན་ཐོས་ལྟ་བར་བཤད། འཛིན་པ་ཡོད་པས་གཟུང་དུ་མེད་དོ་ཟེར་ན་རང་རྒྱལ་ལྟ་བར་བཤད། སེམས་དང་སེམས་ཀྱི་རྣམ་པར
85a5 སྨྲ་བ་དང་། དོན་དམ་དང་ཀུན་རྫོབ་ཏུ་སྨྲན། བྱང་ཆུབ་སེམས་དཔའི་ལྟ་བར་བཤད། དོན་དམ་ཐམས་ཅད་མཐུན་པ་ལ། རིགས་གསུམ་འདོད་པ་ཀྲི་ཡའི་ལྟ་བར་བཤད། ཆ་གཉིས་འདོད་པ་ཨུ་པ་ཡ་ཡི་ལྟ་བར
85a6 བཤད། སེམས་དཔའ་རྩ་བདུན་འདོད་པའི་ཚིག་བྱུང་ན། རྣལ་འབྱོར་ཡོ་གའི་ལྟ་བར་བཤད། བཞི་བཅུ་རྩ་གཉིས་ལྔ་བཅུ་རྩ་བརྒྱད་སོགས་མ་ཧཱ་ཡོ་གའི་བལྟ་བར་བཤད། མ་བསྐྱེད་རྫོགས་པའི་ཚིགས་ཚོགས
iiif viewer powered by OpenSeadragon
