| e-texts navigator |
| Wylie |
83b1 བྱས་འཇིག་པར་འགྱུར།། གདོད་ནས་རང་བྱུང་ཆོས་སྐུ་དེ།། རང་ངོ་མ་ཤེས་རྟོག་པས་བསྒྲིབས།། དེ་ཉིད་ངོ་ཤེས་རྟོགས་ཙམ་ན།། དང་པོ་རང་བྱུང་རང་ངོ་འཕྲོད།། རྟོགས་པ་གྲོལ་ནས་མངོན་དུ་འགྱུར།། རྒྱལ་བུ
83b2 དམངས་འཁྱམས་རྒྱལ་སར་བཏོན།། རང་ས་ཟིན་པ་ཇི་བཞིན་ནོ།། འབྲས་བུའི་ཐེ་ཚོམ་དེ་ཡིས་ཆོད།། རང་བྱུང་རིག་པ་ཆོས་སྐུ་དེ།། གང་གི་ངོ་བོར་མ་གྲུབ་པས།། མཚན་མ་འདུས་བྱས་ཐེ་ཚོམ་ཆོད།། གསལ་ལ་མི
83b3 འགག་འཆར་བ་ཡིས།། སྟོང་པ་ཞི་གནས་ཐེ་ཚོམ་ཆོད།། རྩལ་ནི་འོད་དུ་སྣང་བ་ཡིས།། རིག་པ་རྐྱང་པའི་ཐེ་ཚོམ་ཆོད།། གསལ་བ་སྣ་ཚོགས་འཆར་བ་ཡིས།། མི་རྟོག་ལྟེངས་པོའི་ཐེ་ཚོམ་ཆོད།། གང་ལ་འཛིན་པ་མེད
83b4 གྱུར་པས།། མ་ཚོར་ཡིད་ལ་བྱེད་པ་བྲལ།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། ཐེ་ཚོམ་དང་གེགས་བསལ་བའི་ལེའུ་སྟེ་རེ་བརྒྱད་པའོ།། །། དེ་ནས་ཡང་གསང་བའི་བདག་པོས་ཞུས
83b5 པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། དེ་ཡིས་འབྲས་བུ་ཇི་ལྟར་ལགས།། ཞེས་ཞུས་སོ།། སྟོན་པས་བཀའ་སྩལ་པ།། རྡོ་རྗེ་འཛིན་པ་ལེགས་ཟུང་ཞིག། འབྲས་བུ་ལྟ་བ་མངོན་གྱུར་ཏེ།། དེ་ཡི་གནས་ལུགས་བསྟན་པ
83b6 ནི།། ཆོས་ཉིད་ཕྱི་ནང་མེད་པར་གསལ།། རིག་པ་ཕྱི་ནང་མེད་པར་ཁྱབ།། གཉིས་མེད་ཆོས་སྐུ་རྡོ་རྗེའི་ལུས།། རང་གསལ་འཛིན་མེད་ངང་དུ་གནས།། དེ་ལས་མཁྱེན་པ་མ་འགགས་པས།། རང་རིག་ཡེ་ཤེས
iiif viewer powered by OpenSeadragon
