| e-texts navigator |
| Wylie |
83a1 སྟོང་།། མ་བསྒོམས་རྒུན་དུ་འབྲལ་མ་མྱོང་།། བསྒོམ་དང་མ་བསྒོམས་དོན་ལ་མེད།། བསྒོམ་པའི་ཐེ་ཚོམ་དེ་ཡི་ཆོད།། སྤྱོད་པའི་གེགས་རྣམས་གང་སེལ་བ།། སྤྱད་པས་གྲོལ་ལམ་མ་སྤྱད
83a2 གྲོལ།། མ་སྤྲད་གྲོལ་བའི་སྒྲ་མི་འཇུག། སྤྲད་ན་ཆེད་སྤྲད་དག་ཏུ་འགྱུར།། རིག་པ་དང་ནི་སྣང་བ་གཉིས།། རྩལ་མི་འགག་པའི་སྟོབས་ཀྱིས་ནི།། དེ་གཉིས་ཕན་ཚུན་རོལ་པ་ལས།། ཆེད་དུ་སྤྱད་པས་སྤྲད་རྒྱུ་མེད།། འོ
83a3 བོ་སྤྲོས་དང་བྲལ་བ་ལ།། རྩལ་ནི་མི་འགག་སྣ་ཚོགས་འཆར།། དེ་ཡང་ཡུལ་ལ་བརྟེན་ནས་འཆར།། རང་ཤར་རང་གྲོལ་སྤྱོད་པ་སྟེ།། ཡུལ་རྐྱེན་སྣ་ཚོགས་ཤར་གྱུར་ཀྱང་།། འཛིན་མེད་རང་སར་གྲོལ་བ་ཡིས།། སྤྱད
83a4 རྒྱུ་མེད་དེ་ཤུགས་འབྱུང་ཙམ།། སྤྱད་མེད་དོན་དང་མི་འབྲལ་ཙམ།། མ་འགགས་ཞེན་མེད་སྤྱོད་པའི་མཆོག། སྤྱོད་པའི་ཐེ་ཚོམ་དེ་ཡིས་ཆོད།། ཉམས་ཀྱི་གེགས་ནི་གང་སེལ་ན།། རང་བྱུང་ཆོས་སྐུ་འགྱུར
83a5 མེད་ནི།། ཉམས་མྱོང་མཐའ་ལས་འདས་པ་སྟེ།། རེ་ཞིག་གང་ཟག་མ་གོམས་པས།། བདེན་པ་གསལ་ནི་འདེབས་པ་ལ།། ཆོས་སྐུ་གསལ་ཞིང་རྟག་པ་འགྲིབ།། དེ་ཡི་ཉམས་མྱོང་ཤུགས་ལས་འཆར།། ཉམས་ལ་ཆེད
83a6 འཛིན་འདོད་པ་མེད།། སྤྲིན་དེངས་ཉི་མ་གསལ་བ་འདྲ།། ཉམས་ཀྱི་ཐེ་ཚོམ་དེ་ཡིས་ཆོད།། འབྲས་བུའི་གེགས་ནི་གང་སེལ་ན།། འབྲས་བུ་རང་བྱུང་ཆོས་སྐུ་དེ།། གདོད་ནས་ཡོད་ན་བཙལ་མ་དགོས།། གློ་བུར་འདུས
iiif viewer powered by OpenSeadragon
