| e-texts navigator |
| Wylie |
82a1 གཅིག། ཉམས་དང་ལམ་དུ་སྦྱོར་བའོ།། རྟོགས་པ་དོན་གྱི་ངོ་བོ་ལ།། རང་རིག་ཆོས་སྐུ་འགྱུར་བ་མེད།། དེ་ལ་རྟགས་མཚན་བློ་སྣང་ཡིན།། འབྲིང་དང་ཐ་མའི་བློ་དག་ལ།། རྣམ་རྟོག་དག་གིས་བསྒྲིབས
82a2 པ་སྟེ།། རྟོག་པ་གསལ་ཞིང་འཁྲུལ་པ་འགགས།། དེ་ལ་ཉམས་ཀྱི་སྣང་བ་འབྱུང་།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། ཉམས་བསྟན་པའི་ལེའུ་སྟེ་རེ་བདུན་པའོ།། །། དེ་ནས་གསང
82a3 བའི་བདག་པོས་ཞུས་པ།། ཀྱེ་ཀྱེ་བཅོམ་ལྡན་རྡོ་རྗེ་འཆང་ཆེན་པོ།། དང་པོ་གཞི་ཡི་གནས་ལུགས་ནས།། འབྲས་བུའི་དོན་ལ་ཐུག་གི་བར།། ཐེ་ཚོམ་གེགས་རྣམས་ཇི་ལྟར་སེལ།། སེལ་བའི་ཡོན་ཏན་ཇི་ལྟར
82a4 ལགས།། རྡོ་རྗེ་འཆང་གིས་གསུང་དུ་གསོལ།། དེ་སྐད་ཅེས་ནི་ཞུས་པ་ལས།། རྡོ་རྗེ་འཆང་གིས་བཀའ་སྩལ་པ།། གསང་བའི་བདག་པོ་ང་ལ་ཉོན།། གཞི་ནས་འབྲས་བུར་ཐུག་པར་ལ།། གེགས་བདུན་དྲག་གིས་སེལ
82a5 འགྱུར་ཏེ།། གཞི་ཡི་གེགས་དང་འཁྲུལ་པའི་གེགས།། ལྷ་སྒོམ་སྤྱོད་པ་ཉམས་ཀྱི་གེགས།། འབྲས་བུའི་གེགས་དང་བདུན་གྱིས་བསྟན།། ཀྱེ་ཀྱེ་རྡོ་རྗེ་འཆང་ཆེན་པོ།། གེགས་བདུན་རྒྱས་པར་གསུང་དུ་གསོལ།། ཞུས
82a6 པའི་དོན་གསན་བཀའ་སྩལ་པ།། དང་པོ་གཞི་ཡི་གེགས་བསྟན་པ།། སངས་རྒྱས་སེམས་ཅན་གཉིས་མེད་དེ།། དངོས་པོའི་དོན་གྱི་གནས་ལུགས་དེ།། ཀ་དག་ཡིན་ནམ་ལྷུན་གྲུབ་ཡིན།། སངས་རྒྱས་ཡིན་ནམ་སེམས
iiif viewer powered by OpenSeadragon
