| e-texts navigator |
| Wylie |
81a1 གཡོས།། རྟོགས་པ་ལྷག་གིས་སྐྱེ་བར་འགྱུར།། ལུས་ཀྱང་བདེ་བ་དེ་ལ་འབྱུང་།། ངག་ཀྱང་འཁྲུལ་གཏམ་ཤས་ཆུང་ངོ་།། དེ་ནས་ཐོབ་པའི་རྟགས་བསྟན་པ།། ལྟ་བ་གདེང་དུ་གྱུར་པ་དེ།། ཐོབ་པའི
81a2 ཉམས་ནི་ཡིན་པར་བསྟན།། དེ་ཕྱིར་ལྟ་བ་གདེང་ཟིན་ཐོབ།། ལྟ་བ་གདེང་གིས་ཟིན་པ་ནི།། རང་རིག་ཆོས་སྐུ་རྟོགས་པ་སྟེ།། རང་བྱུང་ཡེ་ཤེས་ཡིན་པའི་ཕྱིར།། དུས་གསུམ་འགྱུར་བ་མེད་པར་གོ།། འགྱུས་པ་རང་སར
81a3 གྲོལ་བས་ན།། འགྱུ་བ་ཡེ་ཤེས་ཟང་ཐལ་ཡིན།། འགྱུ་བའི་སྲོག་ནི་ཆོད་པའོ།། ཡིད་ནི་ཆེད་འཛིན་བྲལ་བས་སེམས་བདེ་སྟེ།། ངག་ཀྱང་འཁྲུལ་པའི་གཏམ་རྣམས་འགགས།། གོམས་པའི་ཉམས་ནི་འདི་ལྟར
81a4 འབྱུང་།། གོང་གི་དོན་དང་མ་བྲལ་བ།། དུས་གསུམ་རྒྱུན་དུ་ལམ་འཁྱེར་བས།། གོམས་པའི་ཉམས་སུ་བསྟན་པ་ཡིན།། སྤྱོད་པའི་མན་ངག་ཅེས་པ་སྟེ།། དུས་བཞིའམ་དུས་གསུམ་གོང་ལྟར་རོ།། དེ་དག་ཤིན་ཏུ
81a5 གོམས་གྱུར་ན།། ཡེངས་དང་མ་ཡེངས་མེད་པ་ཡིན།། མཉམ་བཞག་རྗེས་ཐོབ་གཉིས་དང་བྲལ།། ཡེངས་དང་མ་ཡེངས་གཉིས་ཀ་མེད།། རང་རིག་ཆོས་སྐུའི་ངོ་བོ་ལ།། སྐུ་གསུམ་ཡེ་ཤེས་ལྷུན་གྲུབ་སྟེ།། རང་ཡིན
81a6 དུས་གསུམ་འབྲལ་བ་མེད།། འཁྲུལ་པའི་སྣང་བ་འབྱུང་གྱུར་ཡང་།། འཛིན་པའི་བློ་དང་བྲལ་བས་ན།། ཡུལ་རྐྱེན་ཅི་བྱུང་རང་སར་གྲོལ།། རིག་པ་དེ་ལྟར་ཤར་བའི་ཚེ།། ལུས་སེམས་འཁྲུལ་པའི་དབང་མི
iiif viewer powered by OpenSeadragon
