| e-texts navigator |
| Wylie |
80b1 ཟག་ཕྱི་མ་ལྟ་སྒོམ་དང་།། སྤྱོད་པ་དག་ལ་གནས་པ་ལ།། ཉམས་ཀྱི་རིམ་པ་འབྱུང་བ་ནི།། དབང་པོ་རབ་འབྲིང་ཐ་གསུམ་ལས།། རབ་ནི་རྟོགས་པས་གྲོལ་བ་སྟེ།། བདུད་དང་ཐེ་ཙོམ་གེགས་རྣམས་སེལ།། སྒོམ་སྤྱོད
80b2 གཉིས་ལ་སྦྱང་མི་དགོས།། རྟོགས་གྲོལ་སངས་རྒྱས་ད་ལྟ་ཉིད།། ཉམས་ཀྱི་རིམ་པ་བརྩི་རུ་མེད།། ཐ་མལ་ལུས་དང་མ་བྲལ་ཀྱང་།། དགོངས་པ་སངས་རྒྱས་ཐུགས་ལྟར་གནས།། རང་རིག་ཆོས་སྐུ་གསལ་སྟོང
80b3 འཕྱོ།། ཐིག་ལེ་ཉག་གཅིག་སྤྲོས་དང་བྲལ།། ངོ་བོ་འགྱུར་བ་མེད་པ་ལ།། རྩལ་མི་འགག་སྟེ་སྒོ་ལྔར་ཤར།། དེ་ཕྱིར་རྩལ་ནི་ཟང་ཐལ་འཛིན་པ་མེད།། སྐུ་གསུམ་འགྱུར་བ་མེད་པར་གནས།། གང་ཟག་འབྲིང་དང་ཐ
80b4 མ་ལ།། བདུད་དང་ཐེ་ཙོམ་གེགས་འབྱུང་སྲིད།། དེ་ལ་གོལ་ས་གོང་ལྟར་ཆོད།། གོལ་ས་ཆོད་པས་ཉམས་རྟོགས་འབྱུང་།། བདུད་མེད་ཉམས་ནི་མྱུར་དུ་འབྱུང་།། དྲོད་དང་རྟགས་དང་ཉམས་དང་གསུམ།། དྲོད་ནི་རང
80b5 ལ་གསལ་བ་ཡིན།། རྟགས་ནི་གཞན་ལ་གསལ་བར་འབྱུང་།། གཉིས་ཀ་ལ་ནི་ཉམས་སུ་རྟོགས།། དེ་དག་རྣམས་ཀྱི་རིམ་པ་ནི།། ལུས་ངག་ཡིད་ལ་འབྱུང་བར་འགྱུར།། འོག་མ་རྣམས་དང་ཆ་བསྟུན་པ།། གཡོ་ཐོབ
80b6 གོམས་བརྟན་མཐར་ཕྱིན་པའོ།། དེ་ཡང་རྟོགས་དང་དག་པ་དང་།། དག་པ་ཆེན་པོ་གསུམ་དུ་འདུས།། དང་པོ་གཡོ་བའི་ཉམས་བསྟན་པ།། ངོ་སྤྱོད་གདམས་ངག་ཞུ་དུས་སུ།། རང་ངོ་འཕྲོད་པས་རྟོག་པ
iiif viewer powered by OpenSeadragon
