| e-texts navigator |
| Wylie |
80a1 དག་འཛིན་པ་ཡིན།། དེ་བཞིན་ངག་དང་ཡིད་ལ་ཡང་།། མཚན་རྟགས་དམ་པར་བལྟ་བ་ནི།། དེ་ཉིད་ངག་དང་ཡིད་ཀྱི་བདུད།། ལུས་ལ་བདེ་བ་ལ་སོགས་འབྱུང་།། ངག་ལ་བདེ་ཐོབ་ཆོས་སྨྲ་ལ་སོགས
80a2 འབྱུང་།། སེམས་ལ་མངོན་ཤེས་ལ་སོགས་འབྱུང་།། ཕྱི་རུ་བྱིན་རླབས་ལུང་བསྟན་འབྱུང་།། དེ་ལྟར་དམ་པར་དགོངས་སྤྱོད་དུ།། བཟུང་ན་ཉམས་ཀྱི་བདུད་དུ་འགྱུར།། དེ་དག་བདུད་ལས་འགྲོལ་བ་ནི།། དེ་བཞིན་ལྟ
80a3 སྒོམ་སྤྱོད་པ་ལ།། གདེང་གིས་ཟིན་པ་ཇི་བཞིན་དུ།། ཉམས་བདུན་བཞི་སོགས་ངོས་ཟིན་ན།། ཉམས་ལ་བདེན་པར་འཛིན་པ་དེ།། རང་སྣང་རང་གྲོལ་དག་ཏུ་འགྱུར།། ཆེད་འཛིན་རང་སར་གྲོལ་གྱུར་བས།། ཉམས
80a4 ཀྱི་རིམ་པ་ཅི་བྱུང་ཡང་།། དེ་ལྟར་ལྟ་སྒོམ་སྤྱོད་པའི་རྟགས།། རང་བྱུང་ཡེ་ཤེས་རང་ཆས་ལས།། མཚན་རྟགས་ཆེད་དུ་མི་བསྒྲུབ་སྟེ།། ཤུགས་ལས་འབྱུང་བ་མི་དགག་གོ། དཔེར་ན་རིན་ཆེན་དགོས་འདོད་འདྲ།། ཞེས
80a5 གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། བདུད་ཀྱི་སྤྱོད་ཡུལ་བཅོ་བརྒྱད་བསྟན་པའི་ལེའུ་སྟེ་རེ་དྲུག་པའོ།། །། ཀྱེ་ཀྱེ་བཅོམ་ལྡན་རྡོ་རྗེ་འཆང་།། བདུད་ཀྱི་སྤྱོད་ཡུལ་གྲོལ་གྱུར་ནས།། ཐེ་ཙོམ
80a6 གེགས་རྣམས་སེལ་གྱུར་ན།། ཉམས་ཀྱི་རིམ་པ་ཇི་ལྟར་འཆར།། རྡོ་རྗེ་འཆང་གིས་གསུང་དུ་གསོལ།། དེ་སྐད་ཅེས་ནི་ཞུས་པ་ལས།། རྡོ་རྗེ་འཆང་གིས་བཀའ་སྩལ་པ།། ཉོན་ཅིག་གསང་བའི་བདག་པོ་ཁྱོད།། གང
iiif viewer powered by OpenSeadragon
