| e-texts navigator |
| Wylie |
7a1 མེད་སྣང་བའི་ཡུལ་ལས་འདས།། རང་ལུས་རང་གནས་མ་བཅོས་བྱང་ཆུབ་སེམས།། གདོད་ནས་ལྷུན་གྲུབ་རིན་ཆེན་ཀུན་གྱི་མཛོད།། རྟོག་མེད་མཉམ་ཉིད་གསལ་ཆའི་རྩལ་མ་ཤར།། ཤེས་པ་སྒོ་ལྔར
7a2 མ་དོན་ཉམས་མྱོང་མེད།། འགྱུ་བ་རང་སྣང་མ་བཅོས་རྣལ་མར་གནས།། ནང་གི་རིག་པའི་རྩལ་ནི་སྔར་མ་འགྱུས།། བསམ་འཕེལ་རིན་པོ་ཆེ་ལས་དགོས་འདོད་འབྱུང་བ་བཞིན།། མན་ཤེལ་རྣམ་པར་དག་ལས་འོད
7a3 ལྔ་ལྷུན་གྲུབ་བཞིན།། ཏིལ་འབྲུ་ལ་སོགས་མར་ཁུ་ལྷུན་གྲུབ་བཞིན།། སྙིང་པོའི་གཞི་ལ་རྩལ་གཉིས་ལྷུན་གྱིས་གྲུབ།། རྟོགས་ན་གཞི་ལ་རྩལ་གཉིས་སྐུ་རུ་འཆར།། མ་རྟོགས་གཞི་ལ་འཁོར་བ་རང་ཁམ།། ཞེས
7a4 གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། གཞིའི་གནས་ལུགས་ཀྱི་ལེའུ་སྟེ་གསུམ་པའོ།། །། ཨ་ཨ་རཏྣ་དྷརྨ་ཀཱ་ཡ། ནམ་མཁའ་རྒྱ་མཚོ་མེ་ལོང་ཅན་གྱི་གནས་གཡུའི་མཎྜལ་ཆེན་པོ་ཁོད་སྙོམས
7a5 པའི་སྟེང་ན། རིན་པོ་ཆེའི་མཆོད་རྟེན་ཁྲི་འཕང་ལྔ་པ། ཤེལ་གྱི་ཟ་མ་ཏོག་ཆེན་པོའི་ནང་ན་གནས་པ་ལ། རླུང་གི་རྟ་ཕོས་བདག་པོ་བྱེད་པའི་མན་ངག་གསང་བའི་བདག་པོ་ཕྱག་ན་རྡོ་རྗེས་རྡོ་རྗེ་འཆང་ལ་ཡང་ཞུས་པ།
7a6 གོང་གསུངས་གཞིའི་གནས་ལུགས་དེ་ལགས་ན།། རྩལ་འཆར་གཞི་དང་གཞི་སྣང་དོན།། འདུས་པའི་འཁོར་ལ་གསུང་དུ་གསོལ།། རྡོ་རྗེ་འཆང་གིས་བཀའ་སྩལ་པ།། རིགས་ཀྱི་བུ་རྒྱུད་ཐམས་ཅད་ཀྱི་དོན། གཞི་དང
iiif viewer powered by OpenSeadragon
