| e-texts navigator |
| Wylie |
79b1 པའི་དོན་ལས་གོལ་གྱུར་པས།། སྤྱོད་པའི་བདུད་ནི་བདུན་དུ་བྱུང་།། འདུ་འཛི་ལོངས་སྤྱོད་གཡེང་བའི་བདུད།། ཤེས་བྱ་ཡོན་ཏན་གཡེང་བའི་བདུད།། ལོངས་སྤྱོད་བདུད་ལ་རྣམ་པ་གཉིས།། འདོད་པའི་ལོངས་སྤྱོད
79b2 འགྲུབ་ཏུ་རེ་བ་དང་།། མི་འདོད་དགྲ་ལྟར་དགག་པའོ།། ཤེས་བྱ་ཡོན་ཏན་ལ་ཡང་གཉིས་སུ་བསྟན།། འགྲུབ་ཏུ་རེ་དང་མ་འགྲུབ་དོགས་པའོ།། གང་ལ་སྤྱོད་པ་གང་ལ་སྐྱེ་གྱུར་ཡང་།། འགྲུབ་པ་མེད་དེ་བདུད་དུ
79b3 འགྱུར།། ཕྱི་རུ་ཚུལ་འཆོས་བདུད་དང་ནི།། ནང་ན་ཉོན་མོངས་རང་གིས་སྤྱོད་བདུད་དྲུག། བྱེ་བྲག་ཡིན་ཏེ་དེ་ལས་དབྱེ་ན་བསམ་མི་འཁྱབ། གང་ལ་ཆེད་དུ་འཛིན་པ་དེ།། བདུད་རྣམས་ཀུན་གྱི་སྤྱི་ཡིན་ཏེ།། ཆེད
79b4 འཛིན་མེད་ན་བདུད་མི་འབྱུང་།། སྤྱོད་པའི་བདུད་བདུན་གང་ལ་ཡང་།། རང་ལས་བྱུང་ཞིང་རང་ལས་སྣང་།། དེ་དག་རང་སར་གྲོལ་བ་ཡིས།། གོང་གི་ལྟ་སྒོམ་སྤྱོད་སྐབས་བཞིན།། གོང་གི་གདེང་བཅས་དུས་བཞིན
79b5 དུ།། ལྟ་བར་རང་བྱུང་རང་སྣང་གདེང་ལྡན་པས།། སྤྱོད་པའི་བདུད་ཀྱིས་མི་ཚུགས་ཏེ།། མདོར་ན་བདུད་རྣམས་གང་བྱུང་ཡང་།། རང་བྱུང་རང་སྣང་རང་སར་གྲོལ།། དེ་ལྟར་རྟོགས་ན་བདུད་དང་བྲལ།། ཉམས་ཀྱི
79b6 བདུད་བཞི་བསྟན་པ་ནི།། ལུས་ངག་ཡིད་ལས་བྱུང་བ་དང་།། བྱིན་གྱི་རློབ་པ་ལུང་སྟོན་འབྱུང་།། དང་པོ་ལུས་ཀྱི་བདུད་བསྟན་པ།། དེ་བཞིན་གང་ཡང་ཡིད་ལ་ཡང་།། མཚན་མ་རྟགས་སུ་འབྱུང་བ་ནི།། དེ་ལ་ཡང
iiif viewer powered by OpenSeadragon
