| e-texts navigator |
| Wylie |
78b1 ཀྱི་སྤྱོད་ཡུལ་མི་འབྱུང་སྟེ།། ཇི་སྲིད་གདེང་དང་མ་ལྡན་ན།། བདུད་ཀྱི་སྤྱོད་ཡུལ་བཅོ་བརྒྱད་བྱུང་།། ལྟ་བ་གོལ་ཞིང་གདེང་མེད་ན།། གཟུང་འཛིན་ཉོན་མོངས་དུག་ལྔ་འབྱུང་།། བསྒོམ་པ་གདེང་མེད་གོལ་གྱུར
78b2 པས།། བྱིང་དང་རྒོད་པའི་བདུད་གཉིས་བྱུང་།། སྤྱོད་པ་གདེང་མེད་གོལ་གྱུར་པས།། སྤྱོད་པ་དག་ལ་བདུད་བདུན་བྱུང་།། ལྟ་སྒོམ་སྤྱོད་པའི་གདེང་མེད་པས།། ཉམས་ཀྱི་བདུད་ནི་བཞི་འབྱུང་སྟེ།། དེ་ལྟར་དོན་དང་མི
78b3 ལྡན་པས།། བདུད་ཀྱི་སྤྱོད་ཡུལ་འབྱུང་བར་འགྱུར།། རང་འབྱུང་ཡེ་ཤེས་རང་ལ་ཡོད་གྱུར་ཀྱང་།། རྒྱལ་བུ་དམངས་སུ་འཁྱམས་པ་བཞིན།། རང་ངོ་རང་གི་མ་ཤེས་པས།། གདམས་ངག་མེད་དེ་རྟོགས་པ་མ་ཤར
78b4 བས།། ལྟ་བ་གདེངས་སུ་མ་གྱུར་པ།། དུག་ལྔ་ཡུལ་སྣང་ཤར་བའི་ཚེ།། དེ་ལ་འཛིན་པའི་ཤེས་པ་འཇུག་པར་འགྱུར།། སྒོ་ལྔ་དག་ལ་བརྟེན་ནས་འཇུག། ཞེ་སྡང་གཟུང་ཡུལ་དགྲར་སྣང་ཚེ།། འཛིན་པ་ཡིད་ཀྱི་རྣམ
78b5 རྟོག་ནི།། མིག་གི་ཡུལ་དུ་གཟུགས་སྣང་བར།། ཞེ་སྡང་བར་ནི་སྐྱེ་འགྱུར་རོ།། རྣ་བར་ཚིག་རྩུབ་བྱུང་བ་དང་།། ཡིད་འཛིན་ཞེ་སྡང་ལྷག་གི་བསྐྱེད།། རང་སྣང་འཛིན་མེད་མི་བདེན་བདུད།། རང་གར་བཟུང་ན་བདུད
78b6 ཀྱི་ལས།། ཁམས་གསུམ་འཁོར་བའི་གནས་སུ་འཁྱམས།། དེ་བཞིན་ཉོན་མོངས་གཞན་ལ་ཡང་།། གཟུང་འཛིན་གཉིས་ཀྱིས་ལོག་པར་སྤྱོད།། བདུད་ལས་བཟློག་ཕྱིར་ཉོན་མོངས་གྲོལ་བ་ནི།། དགྲ་ཉིད་རིག་པའི
iiif viewer powered by OpenSeadragon
