| e-texts navigator |
| Wylie |
78a1 ཆོས་སྐུའི་དོན་རྟོགས་པས།། འཛིན་རྟོག་ཕྲ་རག་རང་སར་གྲོལ།། དུག་ལྔ་གཞན་ལའང་དེ་བཞིན་སྦྱོར།། རང་རིག་ཆོས་སྐུའི་རྩལ་ལས་བྱུང་།། ཞི་ཡང་ཆོས་སྐུའི་ངང་དུ་ཞི།། དཔེར་ན་ནམ་མཁའི་རང
78a2 བཞིན་ལ།། སྤྲིན་དང་དུ་བ་ཁུ་རླངས་འབྱུང་།། བྱུང་ཡང་ནམ་མཁའི་ངང་ལས་བྱུང་།། ཞི་ཡང་ནམ་མཁའི་ངང་དུ་ཞི།། རང་བྱུང་རང་སྣང་རང་བཞིན་ནམ་མཁའི་དང་།། ཕྱི་ཡི་ཡུལ་ཉིད་སྣང་བ་ལ།། ནང་གི་རིག་པ
78a3 རྩལ་ཤར་བ།། འཛིན་པ་དག་གིས་བཟུང་གྱུར་ན།། རྣམ་པར་རྟོག་པ་ཟང་ཐལ་ཡིན།། འཁོར་བའི་སེམས་ཅན་རྣམས་ཀྱི་ལས།། ཡུལ་ལ་འགྱུ་བའི་ཤེས་པ་མ་འགགས་ཏེ།། འཛིན་བྱེད་རྟོག་པ་རང་གྲོལ་བ།། ཡེ་ཤེས
78a4 ཟང་ཐལ་རྟོག་པའི་ལས།། རང་གི་ཤེས་པས་སྤྱད་ཀྱང་ནི།། རང་སྣང་རང་གྲོལ་འཛིན་པ་མེད།། ཡུལ་སེམས་ཆ་མཉམ་འཕྲད་གྱུར་ན།། འཛིན་པ་གྲོལ་བ་དུས་མཉམ་དག། སྣང་བ་དུས་མཉམ་དག་པ་ཡིན།། ཞེས
78a5 གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། དུས་གསུམ་མཉམ་སྦྱོར་གྱི་སྤྱོད་པའི་ལེའུ་སྟེ་རེ་ལྔ་པའོ།། །། གསང་བའི་བདག་པོས་ཡང་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། ལྷ་སྒོམ་སྤྱོད་པའི
78a6 གདེང་མེད་པར།། བདུད་ཀྱི་སྤྱོད་ཡུལ་ཇི་ལྟར་འབྱུང་།། དེ་ཡི་བཟློག་ཐབས་ཇི་ལྟར་ལགས།། དེ་སྐད་ཅེས་ནི་ཞུས་པ་ཡིས།། རྡོ་རྗེ་འཆང་གིས་བཀའ་སྩལ་པ།། ལྷ་སྒོམ་སྤྱོད་པའི་གདེང་དང་ལྡན་གྱུར་ན།། བདུད
iiif viewer powered by OpenSeadragon
