| e-texts navigator |
| Wylie |
77b1 འགྱུར་མེད་གདེངས་ཀྱིས་བཟུང་།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། སྤྱོད་པ་རང་གི་མཚན་ཉིད་དུས་བཞི་མཉམ་སྦྱོར་གྱི་མན་ངག་བསྟན་པའི་ལེའུ་སྟེ་རེ་བཞི་པའོ།། །། དེ་ནས
77b2 ཡང་གསང་བའི་བདག་པོས་ཞུས་པ། ཀྱེ་ཀྱེ་རྡོ་རྗེ་འཆང་ཆེན་པོ།། དུས་བཞིའི་སྤྱོད་པ་དེ་ལྟར་ན།། དུས་གསུམ་སྤྱོད་པ་ཇི་ལྟར་ལགས།། ཞེས་ཞུས་སོ།། རྡོ་རྗེ་འཆང་གིས་བཀའ་སྩལ་པ།། གང་ཟག་སྣོད་ལྡན་དོན
77b3 ཆེད་དུ།། དུས་གསུམ་སྤྱོད་པ་འདི་ལྟར་སྤྱད།། རང་རིག་ཆོས་སྐུ་དུས་གསུམ་དུ།། ཉི་མ་གསལ་དང་མི་འབྲལ་བཞིན།། རང་རིག་གསལ་དང་མི་འབྲལ་ཏེ།། ངོ་མ་ཤེས་པའི་སྟོབས་དག་གི། བག་ཆགས་ངན་པས
77b4 གསལ་སྒྲིབ་འབྱུང་།། དེ་ཕྱིར་དུས་གསུམ་སྤྱོད་པ་གཅེས།། རང་རིག་རང་གསལ་མཉམ་བཞག་དུས།། དེ་ལས་ཡེངས་པ་རྗེས་ཐོབ་དུས།། དུག་ལྔ་ལངས་པ་རྣམ་རྟོག་དུས།། དེ་གསུམ་ཆོས་སྐུ་མི་འབྲལ་བ།། སྤྱོད
77b5 པའི་ལ་ཟློ་ཡིན་པར་བཤད།། མཉམ་གཞག་ཆོས་སྐུ་གསལ་བ་ལ།། དེ་ལས་ཡེངས་པ་བྱུང་དུས་སུ།། ཡུལ་ནི་གང་བྱུང་རྩལ་སྣང་དེ།། འཛིན་བྱེད་རྟོག་པ་རང་གྲོལ་བས།། རང་རིག་ཆོས་སྐུ་རང་དྲན་པས།། ངར
77b6 འཛིན་པ་ཡི་རྟོག་པ་སྟོང་།། དེ་ཕྱིར་སྣང་བ་རང་སྣང་ལ།། འཛིན་བྱེད་རྟོག་པར་རང་སར་གྲོལ།། རགས་པ་དུག་ལྔ་སྐྱེས་པའི་ཚེ།། ཞེ་སྡང་དགྲར་སྣང་རང་སྣང་ལ།། འཛིན་བྱེད་དགྲར་སྣང་རང་གྲོལ་ཡིན།། རང་རིག
iiif viewer powered by OpenSeadragon
