| e-texts navigator |
| Wylie |
77a1 ཟག་རྟོགས་དང་ལྡན་པ་ལ།། རྨི་ལམ་མེད་པར་སོང་གྱུར་ནས།། ཤེས་བྱ་བུམ་པར་ཆུད་པ་ཡིན།། མ་བསྒོམས་རྨི་ལམ་འབྱུང་གྱུར་ཡང་།། མེད་པའི་བར་དུ་བུམ་འཇུག་གོ། རྨི་ལམ་དག་དང་སད་དུས
77a2 སུ།། རིག་པ་རང་གསལ་གདམས་ངག་ཏུ།། རྨི་ལམ་དྲན་རྟོག་བྱུང་བ་འམ།། སད་པའི་དྲན་རྟོག་བྱུང་བ་ན།། དོན་དྲན་འཛིན་པ་རང་གྲོལ་བས།། སྣང་བ་རང་སྣང་རང་སར་དག། འཛིན་པ་གྲོལ་བས་སྣང་བ
77a3 དག། གོམས་པ་བརྟས་ན་རྨི་ལམ་ཆད།། འཛིན་པ་གྲོལ་བའི་སྤྱོད་པ་ནི།། མར་མེ་བཞིན་དུ་རང་གསལ་ལོ།། ལངས་དུས་ཡུལ་ལྔ་རྒྱས་བཏབ་སྟེ།། མིག་ཡུལ་གཟུགས་ལ་རྣ་ཡུལ་སྒྲ།། སྣ་ཡུལ་དྲི་ལ་ལྕེ་ཡུལ
77a4 རོ།། ལུས་ཡུལ་རེག་བྱ་ལ་སོགས་པ།། ཡུལ་ནི་རྣམ་པ་ལྔ་ཡང་སྣང་།། རང་སྣང་ཞེས་སུ་བསྟན་པ་ཡིན།། བསྐྱོད་པར་བྱེད་པས་འགྱུ་བ་རླུང་གི་རྩལ།། ཡུལ་དང་སྣང་བ་གཟུགས་ཙམ་ཡིན།། རང་སྣང་ཡུལ་ལ་འཛིན
77a5 ཞེན་མེད་གྱུར་ན།། ཕྱི་ཡི་ཡུལ་ལ་རྒྱ་ཡིས་ཐེབས་པ་ཡིན།། སྣང་བ་རྒྱ་ཡིས་བཏབ་ཅེས་བྱ།། རྟོག་པ་སྐྱེས་ནས་དོན་དྲན་པས།། འཛིན་མེད་སྐྱེ་བས་འཛིན་པ་གྲོལ།། གྲོལ་འཛིན་ཡུལ་ལ་རྟོག་མི་འཇུག། ཉམས་བླངས
77a6 གོམས་ན་རྟོག་པ་ཡལ།། དུས་བཞིར་འགྱུ་བ་མེད་པར་ནི།། རང་རིག་ཆོས་སྐུ་རང་གསལ་ཏེ།། དཔེར་ན་ཉི་མའི་སྙིང་པོ་དེ།། གསལ་དང་མི་གསལ་འགྲོགས་ནས་ཡོད།། རིག་པ་ཆོས་སྐུ་དེ་བཞིན་པས།། དུས་བཞི
iiif viewer powered by OpenSeadragon
