| e-texts navigator |
| Wylie |
76b1 བཞིན་དུ།། རྣལ་འབྱོར་པ་ཡིས་འགྲོ་དོན་སྤྱད།། གཉིས་སུ་མེད་པའི་སྤྱོད་པ་ནི།། ཆེད་དུ་མི་དགག་ཆེད་དུ་བསྒྲུབ་པ་མེད།། ཆེད་དུ་མི་སྤྱད་ཆེད་དུ་མི་སྤང་ངོ་།། མ་བཅོས་ངང་ལ་རང་བཞིན་འགགས་མེད་སྤྱད།། ཅེས
76b2 གསུངས་སོ།། སྤྲོས་བྲལ་དོན་གསལ་ཆེན་པོ་རྒྱུད་ལས། སྤྱོད་པ་བསྡུས་ནས་བསྟན་པའི་ལེའུ་སྟེ་རེ་གསུམ་པའོ།། །། གསང་བའི་བདག་པོས་ཡང་ཞུས་པ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། སྤྱི་ཡི་སྤྱོད་པ་དེ་ལྟར
76b3 ན།། རང་གི་མཚན་ཉིད་སྤྱོད་པ་གང་།། རྡོ་རྗེ་འཆང་གིས་གསུང་དུ་གསོལ།། ཞེས་ཞུས་སོ།། རྡོ་རྗེ་འཆང་གིས་བཀའ་སྩལ་པ།། སྤྱི་ཡི་སྤྱོད་པ་གོང་བཞིན་ཏེ།། གང་ཟག་ཉམས་སུ་ལེན་པ་ལ།། རང་གི་མཚན་ཉིད་སྤྱོད
76b4 པ་ནི།། དབང་པོ་ཡང་རབ་གྱུར་པ་ལ།། ལྟ་བ་ལྷག་གིས་རྟོགས་པ་ཡི།། དེ་ཡི་ངང་ལས་མི་འབྲལ་བས།། ལྟ་སྒོམ་སྤྱོད་པ་དུས་གཅིག་རྫོགས།། འབྲས་བུ་གཞན་ནས་མི་འཚོལ་བས།། དུས་དེ་ཉིད་དུ་ཅིག་ཅར
76b5 རྫོགས།། འབྲིང་དང་ཐ་མའི་སྤྱོད་པ་ནི།། དུས་བཞི་དག་གི་སྤྱོད་པ་དང་།། དུས་གསུམ་གཅིག་པའི་སྤྱོད་པའོ།། དུས་བཞི་དག་གི་སྤྱོད་པ་ནི།། ཉལ་ཁར་རྩལ་ལྔ་གཞི་ལ་བསྡུ།། དབང་པོ་རྣམ་ལྔ་གཞི་ཡི་རྩལ།། གཞི
76b6 ཡི་གསལ་ཆ་མ་འགགས་པས།། དབང་པོ་ལ་བརྟེན་ཕྱི་ཡུལ་སྤྱོད།། གཟུང་འཛིན་གཉིས་སྣང་དུག་ལྔ་བསྐྱེད།། དེ་དག་གཉིད་དུ་འགྲོ་ཁ་རུ།། གསལ་ཆ་གཞི་ཡི་སྟེང་དུ་འདུས།། ཐ་མལ་གཏི་མུག་ཉིད་དུ་འགྲོ།། གང
iiif viewer powered by OpenSeadragon
