| e-texts navigator |
| Wylie |
76a1 བར།། རྣལ་འབྱོར་ཟག་མེད་རབ་ཀྱིས།། དངོས་མེད་ནམ་མཁའ་བཞིན་དུ་སྤྱད།། རང་རིག་ཡེ་ཤེས་སྤྱོད་པ་ནི།། དཔེར་ན་རིན་ཆེན་མེ་ལོང་བཞིན།། ཡེ་ཤེས་རང་བཞིན་མ་འགགས་པས།། རང་ཤར
76a2 རང་སྣང་ཆགས་སྡང་བྲལ་བར་སྤྱོད།། ལྟ་བ་དོན་གྱི་སྤྱོད་པ་ནི།། ཁྱུང་ཆེན་མཁའ་ལ་ལྡིང་བ་བཞིན།། བྱ་བྲལ་ལྷུན་གྱིས་རྫོགས་པར་སྤྱད།། དགོངས་པ་དོན་གྱི་སྤྱོད་པ་ན། དཔེར་ན་ཆུ་བོ་གངྒཱ་བཞིན།། རྒྱུན་གྱི་རྣལ
76a3 འབྱོར་ཆེན་པོར་སྤྱོད།། འབྲས་བུ་དོན་གྱི་སྤྱོད་པ་ནི།། ཉི་མ་འོད་ཟེར་བཅས་པ་བཞིན། སྐུ་གསུམ་འདུ་འབྲལ་མེད་པར་སྤྱད།། དགོངས་པའི་ངང་ལས་མ་གཡོས་པར།། ཤེས་རབ་ཆེན་པོས་དོན་ལ་སྤྱད།། རྣལ་འབྱོར
76a4 ཡིད་ཀྱི་སྤྱོད་པ་ཡིན།། རྣལ་འབྱོར་ངག་གི་སྤྱོད་པ་ནི།། དཔེར་ན་བྲག་ཆ་སྒྲ་སྒྲོགས་ལྟར།། སྒྲ་རྣམས་ཞེན་པ་མེད་པར་སྤྱད།། ལུས་ངག་ཡིད་གསུམ་སྤྱོད་པ་ནི།། འཇིག་རྟེན་འཁོར་འདས་ཆོས་འདི་ལ།། དཔེར་ན་མེ
76a5 ལོང་གཟུགས་བརྙན་བཞིན།། སྣང་ལ་ཞེན་ཆགས་མེད་པར་སྤྱད།། དྲན་པ་མེད་པའི་སྤྱོད་པ་ནི། རྣལ་འབྱོར་ཚུལ་འཆོས་མི་བྱ་བར།། གླང་ཆེན་སྨྱོན་པ་བཞིན་དུ་སྤྱད།། བུང་བ་མེ་ཏོག་འཇིབ་པ་བཞིན།། གཅིག་ཏུ
76a6 ཞེན་མེད་རྣལ་འབྱོར་གང་བདེར་སྤྱོད།། ཐུགས་རྗེ་ཆེན་པོའི་སྤྱོད་པ་ནི།། དཔེར་ན་ཉི་མའི་སྙིང་པོ་བཞིན།། ལུས་ངག་ཡིད་ཀྱིས་འགྲོ་དོན་རྫོགས་པར་སྤྱད།། ཐུགས་རྗེ་གདུང་བའི་སྤྱོད་པ་ནི།། བུ་གཅིག་པ་ཡི་མ
iiif viewer powered by OpenSeadragon
