| e-texts navigator |
| Wylie |
75b1 ཆོད།། ཡེ་གསལ་ཆེན་པོ་ཆུ་བོའི་རྒྱུན་དུ་གནས་པས་ན།། སེམས་འཛིན་ཐུན་བསྒོམ་རྩོལ་བའི་གོལ་ས་ཆོད།། ཡུལ་གཉིས་སེམས་སུ་བསྡུས་ནས་མི་བསྒོམ་པས།། སྣང་བ་ཆོས་སྐུར་འདོད་པ་རྣམས་ཀྱི་གོལ་ས
75b2 ཆོད།། ད་ལྟའི་དུས་སུ་ཆོས་སྐུ་རང་ཤར་བས།། འབྲས་བུ་ཕྱི་ནས་ཐོབ་པའི་གོལ་ས་ཆོད།། རྩ་བ་ཆོས་ཀྱི་སྐུ་ལ་བདག་འཛིན་མ་གྲུབ་པས།། འཛིན་པ་ཞེ་འདོད་ཅན་གྱི་གོལ་ས་ཆོད།། བསྒོམ་དང་མི་བསྒོམ་ཡེངས་དང
75b3 མ་ཡེངས་མཐའ་དང་བྲལ་བ་ཡིས།། མ་ཚོར་ཡིད་ལ་བྱེད་པའི་གོལ་ས་ཆོད།། ཆོས་སྐུའི་ངོ་བོ་རྟག་པ་ཆེན་པོ་ལས།། སྨོན་ལམ་འདུས་བྱས་དག་ལ་རེ་བའི་གོལ་ས་ཆོད།། ད་ལྟ་ཉིད་དུ་འབྲས་བུ་མངོན་དུ་གྱུར་པས
75b4 ན།། ས་ལམ་རིམ་གྱིས་བགྲོད་པའི་གོལ་ས་ཆོད།། སྤྱི་ཡི་གོལ་ས་བཅོ་བརྒྱད་ཡིན།། ཐེག་པའི་རིམ་པའི་གོལ་ས་རྣམས།། རང་གི་མཚན་ཉིད་མཐོང་ན་གོལ་མི་སྲིད།། ཅེས་གསུངས་སོ།། སྤྲོས་བྲལ་དོན་གསལ་ཆེན
75b5 པོའི་རྒྱུད་ལས། བསྒོམ་པའི་གོལ་ས་བཅད་པའི་ལེའུ་སྟེ་རེ་གཉིས་པའོ།། །། གསང་བའི་བདག་པོས་ཡང་ཞུས་པ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། སྤྱོད་པའི་བྱེ་བྲག་གསུང་དུ་གསོལ།། ཞེས་ཞུས་སོ།། སྟོན་པས
75b6 བཀའ་སྩལ་པ།། རྡོ་རྗེ་འཛིན་པ་ངེས་ཟུང་ཞིག། བླང་དོར་མེད་པའི་སྤྱོད་པ་ནི།། སྤྲད་རྒྱུ་མེད་པ་སྤྱོད་པའི་མཆོག། ཆོས་ཉིད་དོན་གྱི་སྤྱོད་པ་ནི།། མཚན་མ་མེད་པས་ནམ་མཁའ་བཞིན།། ཆོས་ཅན་མཚན་མར་མི་བལྟ
iiif viewer powered by OpenSeadragon
