| e-texts navigator |
| Wylie |
74b1 བཤད།། སྟོང་པའི་ཕྱོགས་ཀྱི་གོལ་ས་ལྔ་པོ་ནི།། ཞི་གནས་ཧད་པོའི་གཽལ་ས་ནི།། རྣམ་རྟོག་ཞི་གནས་ཡིན་པས་ནའོ།། བཏང་སྙོམས་སྙིང་པོའི་གཽ་ལ་ས་ནི།། རྩོལ་བ་མེད་དེ་དང་གནས་པའོ།། སྟོང་པ་ཆད་པོའི་གོལ
74b2 ས་ནི།། བེམ་རིག་གང་ཡང་མི་འདོད་པའོ།། མི་རྟོག་འཐོམ་པའི་གོལ་ས་ནི།། དྲན་མེད་གསལ་ཆ་འགགས་པའོ།། འཛིན་མེད་ཧད་པོའི་གོལ་ས་ནི།། ཡུལ་གྱི་རྣམ་པ་སྣང་གྱུར་ཡང་།། གང་ཡང་གཏན་ལ་མ་ཕེབས
74b3 པས།། རང་ངོ་མ་ཤེས་འཛིན་པ་མེད།། འཛིན་པ་མེད་ཀྱང་གསལ་ཆ་མེད།། དེ་ཕྱིར་གོལ་སར་བསྟན་པའོ།། ཀྱེ་གསང་བའི་བདག་པོ་ཉོན་ཅིག། གསལ་བ་ལྷག་མཐོང་གོལ་ས་ནི།། ཀུན་བརྟགས་ལྷ་ཡི་གོལ་ས
74b4 དང་།། མཚན་མ་འོད་ཀྱི་གོལ་ས་དང་།། རྩ་རླུང་བདེ་བའི་གོལ་ས་དང་།། གཟུང་འཛིན་ཡུལ་གྱི་གོལ་ས་དང་།། འཁོར་བ་སྡུག་བསྔལ་གོལ་ས་རྣམས།། གསལ་བ་དག་ལས་གོལ་སའོ།། ཆེད་དུ་བྱས་པའི་གོལ་ས
74b5 ནི།། མ་ཚོར་ཡིད་ལ་བྱེད་པའོ།། མ་བསྒོམས་འཁྲུལ་པའི་གོལ་ས་ནི།། སྐྱེ་བོ་རང་ཁར་འཛིན་པ་སྟེ།། འཁྲུལ་པ་ཕྱི་རུ་ཤོར་བ་ཡིན།། ལྟ་བ་རྟོགས་དོན་གསལ་གྱུར་ན།། གོལ་སྒྲིབ་སྡུག་བསྔལ་འབྱུང་མི་སྲིད།། ཅེས
74b6 གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། བསྒོམ་པའི་གོལ་ས་བསྟན་པའི་ལེའུ་སྟེ་རེ་གཅིག་པའོ།། །། ཀྱེ་ཀྱེ་རྡོ་རྗེ་འཆང་ཆེན་པོ།། བསྒོམ་པ་རང་གི་མཚན་ཉིད་ནི།། མ་ནོར་བསྟན་པ་དེ་ལགས
iiif viewer powered by OpenSeadragon
