| e-texts navigator |
| Wylie |
74a1 སྤྱོད་བདུན་གྱིས་རྟོགས་པ་དེ།། ཞེ་ལ་གདེངས་སུ་ཆུད་གྱུར་པས།། དེ་དོན་རྒྱུད་དུ་གསལ་གྱུར་ན།། བསྒོམ་པ་རང་གི་མཚན་ཉིད་ཡིན།། རིག་པ་ཆོས་སྐུར་རྟོགས་གྱུར་ན།། སྐུ་གསུམ་ལྷུན་གྱིས་གྲུབ་པ
74a2 ཡིན།། ཡེ་ཤེས་ལྔ་ཡང་ལྷུན་གྱིས་གྲུབ།། རང་རིག་ཆོས་སྐུ་དེ་ལས་ནི།། རྣམ་རྟོག་ཡུལ་གྱི་རྐྱེན་གྱུར་ནས།། འཁྲུལ་བའི་རྟོག་པ་བྱུང་གྱུར་ན།། སྤྱོད་ལམ་གདམས་པ་བཞིན་དུ་ཁྱེར།། ཡེ་ནས་གནས་པའི་ཆ་ནས
74a3 གཞི།། དེ་ཉིད་རྟོགས་པ་ལྟ་བུའོ།། དེ་གསལ་བསྒོམ་པ་ཙམ་དུ་བཏགས།། རྒྱུན་དུ་ཁྱེར་བ་སྤྱོད་པའོ།། མངོན་གྱུར་འབྲས་བུར་བསྟན་པའོ།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། བསྒོམ་པ
74a4 རང་གི་མཚན་ཉིད་བསྟན་པའི་ལེའུ་སྟེ་དྲུག་བཅུ་པའོ།། །། ཀྱེ་ཀྱེ་བཅོམ་ལྡན་རྡོ་རྗེ་འཆང་།། བསྒོམ་ཡོད་བསྒོམ་མེད་བསྟན་པ་དང་།། བསྒོམ་པར་རང་གི་མཚན་ཉིད་བསྒོམ།། རྒྱས་པར་བཤད་པ་དེ་ལགས
74a5 ན།། ཐེག་པ་བརྒྱད་ཀྱི་གོལ་ས་དང་།། སྤྱི་ཡི་གོལ་ས་བསྟན་པ་རྣམས།། རྡོ་རྗེ་འཆང་གིས་གསུང་དུ་གསོལ།། དེ་སྐད་ཅེས་ནི་ཞུས་པ་ལས།། རྡོ་རྗེ་འཆང་གིས་བཀའ་སྩལ་པ།། རིམ་དགུ་བསྒོམ་པའི་གོལ་ས
74a6 དག། གོང་འོག་སྐབས་ནས་གསལ་བར་བཤད།། སྤྱི་ཡི་གོལ་ས་འདི་ལྟར་བཤད།། ཞི་གནས་སྟོང་པའི་གོལ་ས་ལྔ།། ལྷག་མཐོང་གསལ་བའི་གོལ་ས་ལྔ།། དེ་ཉིད་སྤྱི་ཡི་གོལ་ས་གཉིས།། གོལ་ས་བཅུ་གཉིས་དག་ཏུ
iiif viewer powered by OpenSeadragon
