| e-texts navigator |
| Wylie |
73a1 བཞིན་གཤེགས་པའི་དགོངས་པ་ལ་ཟུག་པ་མེད་དེ། མཚན་མར་མི་གནས་པས། སྤྱན་ནམ་མཁའི་དཀྱིལ་དུ་བལྟས་ཏེ། རྩ་རླུང་གི་སྒོ་བསྡམས་སོ།། བྱང་ཆུབ་སེམས་དཔའི་ཏིང་ངེ་འཛིན་ནི། སངས
73a2 རྒྱས་སེམས་ཅན་གྱི་བར་ན་གནས་པས། སྤྱན་པར་སྣང་དུ་བལྟའོ།། མགྲིན་པ་ཅུང་ཟད་གཅུས་ཏེ། དཔུང་པའི་ཁར་ཨོག་མ་བཞག་གོ།། རྩ་གསུམ་རླུང་གི་འགྱུ་སྲང་བཅད་པའོ།། ལྷ་དང་མིའི་བསམ་གཏན་དང་།
73a3 སེམས་འཛིན་ནི་མཚན་མ་ཤས་ཆེ་བས་གོང་མ་གཉིས་པོ་བས་དཀའ་སྟེ། སྤྱན་ས་ལ་བལྟའོ།། དེ་ནི་མགྲིན་པ་ཅུང་ཟད་བཀུག་སྟེ། ཨོག་མ་བྲང་ལ་རེག་ལ་ཁད་དུ་བྱའོ།། དེ་ནི་རྒྱལ་པོ་གདན་ལ་བཞུགས་ཤིང
73a4 གདན་ཐོག་ཏུ་བཏང་བའི་ཐབས་སོ།། དེས་རིག་པ་རྒྱལ་པོ་དང་འདྲ་སྟེ་རང་ས་འཛིན་པའོ།། བློན་པོ་ནི་སེམས་ཏེ། རིག་པའི་རྩལ་རླུང་ཐོག་ཏུ་མ་ཤོར་བས། རྟོག་བཅས་སུ་མི་རྒྱུ་རྟོག་མེད་དུ་གསལ་ཏེ། དཔེར་ན་བློན
73a5 པོ་བཙོན་དུ་ཟིན་པས་གྲོས་བློ་དང་བྱ་བ་བྱེད་མཁན་མེད་པ་ལྟ་བུའོ།། ལུས་དང་མ་བྲལ་བར་དབུགས་ཡོད་དེ། རིག་པ་ལ་རྟ་ཡོད་པས་བློན་པོ་ལྟ་བུའོ།། བཙོན་དུ་ཟིན་པ་འདྲ་སྟེ། རྟོག་པའི་རླུང་ཡོད་ལ་རྒྱུ་མི་ནུས
73a6 སོ།། སྒོ་ལྔ་འབངས་དང་འདྲ་བས་ལས་བྱེད་པ་ཡིན་ནོ།། དུས་དེར་གསལ་ལ་རྟོག་པ་མེད་དོ།། དེ་ནི་འབངས་ཆམ་ལ་འབེབས་པ་ལྟ་བུའོ།། ཀྱེ་རིགས་ཀྱི་བུ་བསླབ་པར་བྱ་བ་ནི།། ངང་དངས་རང་བཞིན་བདག་ཉིད
iiif viewer powered by OpenSeadragon
