| e-texts navigator |
| Wylie |
72b1 ལོ།། དེ་བས་ན་དབྱིངས་རྣམ་པར་དག་པའི་ཐིག་ལེ་ནི། ཆུའི་སྒྲོན་མའོ།། ནང་དུ་ཙིཏྟ་གོང་བཞིན་དུ་ཡེ་ཤེས་ཀྱི་སྣང་བ་འོད་དུ་གསལ་ལོ།། གདན་ལ་བཞུགས་པ་ཡེ་ཤེས་ཀྱི་སྣང་བ་ནི། ཡེ་ཤེས་ཆེན་པོའི་ཐིག་ལེ་མ
72b2 འགགས་པར་རང་གསལ་ལོ།། ཡེ་ཤེས་སྙིང་པོ་རིག་པར་གནས་ཤིང་། རིག་པ་ལ་ཡེ་ཤེས་གསལ་བས། ལྷུན་གྱིས་གྲུབ་པའི་ཐིག་ལེས་མཚན་མ་དང་། རྣམ་རྟོག་བཅོམ་པའོ།། དེ་ལྟར་མི་འགྱུར་བར་གནས་ཤིང་།
72b3 རང་སྣང་ལས་གཞན་སྣང་མེད་དོ།། དེ་ནི་ལྷུན་གྱིས་གྲུབ་པའི་ཐིག་ལེ་སྟེ། དོན་སྣང་བ་གསུམ་སྦྱོར་དུ་བསྟན་ན། མཐོང་བྱ་རང་བཞིན་དག་པའི་ནམ་མཁའ་ནི།། ནམ་མཁའ་དག་པའི་རང་གདངས་ཡིན།། དེ་ཡི་ངོ་བོ
72b4 དག་པ་དང་།། མཐོང་བྱེད་ཆུ་ཡི་སྒྲོན་མ་ནི།། ཆོས་ཉིད་དག་པའི་ཡེ་གདངས་སོ།། རིག་པ་ཡུལ་ལ་ཤར་བའི་སྣང་བ་ནི།། ཡེ་ཤེས་དག་པའི་ཟེར་གདངས་སོ།། ཀྱེ་མ་ནམ་མཁའ་དག་པའི་རང་གདངས་ནི།། མཚམ
72b5 མོའི་ནམ་མཁའ་ལྟ་བུའོ།། ཆོས་ཉིད་དག་པའི་ཡེ་གདངས་ནི།། ནམ་ལངས་པའི་ནམ་མཁའ་ལྟ་བུའོ།། ཡེ་ཤེས་ཆེན་པོའི་ཟེར་གདངས་ནི།། ནམ་མཁའ་ལ་ནི་ཉི་མ་ཤར་བ་ལྟ་བུའོ།། རྒྱལ་པོ་གདན་ལ་བཞུགས་པ་ནི།།
72b6 སྤྲོས་བྲལ་གྱིས་དབྱིངས་འགྱུར་མེད་ཀྱི་ངང་དུ་རིག་པ་ཡེ་ནས་དག་པ་སྟེ། དེ་ལས་མ་གཡོས་པར་བཞག་གོ།། འཆི་བདག་བདུད་ཀྱི་སྒོ་ནས་ཡེ་ཤེས་ཀྱི་རླུང་རྒྱུ་བའི་རྩ་གསུམ་གནས་པས། དེ་གསུམ་གཙུན་ཏེ།
iiif viewer powered by OpenSeadragon
