| e-texts navigator |
| Wylie |
71b1 འཛིན་པ་ངེས་ཟུང་ཞིག། བློ་གཞན་རྣམས་ལ་བསྒོམ་པ་བསྟན།། བསྒོམ་དུ་མེད་པར་མ་ཤེས་ན།། མ་ཚོར་ཡིད་ལ་བྱེད་པ་དང་།། བྱ་རྩོལ་བྲལ་བ་མི་རྟོགས་ཏེ།། རྒྱུན་གྱི་ཏིང་འཛིན་དོན་མི་གསལ།། བསྒོམ་དུ་ཡོད
71b2 པར་མ་ཤེས་ན།། སྐྱེ་བོ་རྣམས་དང་ཁྱད་པར་མེད།། ཐ་མལ་རང་རྒྱུད་གོལ་བར་འགྲོ།། མི་བསྒོམ་བསྒོམ་པའི་དོན་ཤེས་པས།། སངས་རྒྱས་ཉག་གཅིག་དོན་དུ་འདུ་འབྲལ་མེད།། བསྒོམ་པ་མི་བསྒོམ་དོན་ཤེས
71b3 པས།། དམིགས་གཏད་བློ་ཡི་མཐའ་ལས་བཟློག། གཉིས་སུ་མེད་པའི་དོན་རྟོགས་པས།། ཕྱོགས་རེར་འཛིན་པའི་མཐའ་དང་བྲལ།། བསྒོམ་དུ་ཡོད་པའི་དོན་བསྟན་པར།། བསླབ་ཐབས་བསླབ་བྱ་ལོབས་པའི
71b4 ཚད།། རྣམ་པ་གསུམ་དུ་བསྟན་པ་ཡིན།། བསླབ་ཐབས་རྣམ་པ་གསུམ་དུ་བསྟན།། ཕྱི་དང་ནང་དང་གསང་བའོ།། ཕྱི་ནི་ལུས་ངག་ཡིད་གསུམ་གློད།། བྱ་བ་བཏང་ལ་སྡོད་པ་ཡིན།། ནང་ནི་རྩ་ཡི་རླུང་སྒོ
71b5 བསྡོམས།། རང་བྱུང་དབྱིངས་ཀྱི་ཐིག་ལེ་ལས།། དང་པོར་ལུས་ཀྱི་སྲིད་པ་ཆགས།། དེ་ལས་ཡས་མར་རྩ་གཉིས་ཤར།། རྩ་གཉིས་འདུས་ནས་རྩ་མདུད་ལྟེ་བར་གྱུར།། དེ་ལས་རྩ་བྲན་རྣམས་ཀྱི་ལུས་བྱིངས
71b6 བསྐྱེད།། དེ་ནས་སྙིང་ལ་སོགས་པའི་ནང་ཁྲོལ་རྒྱས།། དེ་ལས་དབུགས་ཡོད་དེ་ལས་རྣམ་རྟོག་ཤར།། དེ་ལ་རྩ་བར་བཏགས་པ་མིག་ཡིན་པས།། ཅི་སྣང་རང་སྣང་ཡིན་གྱི་རྣམ་རྟོག་མ་བྱེད་ཅེ་རེ་ལྟོས།། རྟགས་མ
iiif viewer powered by OpenSeadragon
