| e-texts navigator |
| Wylie |
70a1 གཞི་བཅས་པའོ།། དེའི་དོན་རྟོགས་ནས་བསྒོམ་དུ་མེད་དེ་ཡོན་ཏན་ནོ།། དེ་ཡང་རང་ཆས་སུ་གནས་པས་འདུ་འབྲལ་མེད་དོ།། ཡུལ་དང་ཡུལ་ཅན། བསྒོམ་བྱ་དང་སྒོམ་བྱེད། དངོས་པོ་དང་མཚན་མར
70a2 དམིགས་སུ་མེད། དཔེར་ན་གར་སྦྱིན་ལ་སྦྲང་མའི་འདབ་མ་ཆག་པ་ལྟ་བུའོ།། ཆོས་ཉིད་ཀྱི་དོན་ཐ་མལ་གྱིས་མི་རྟོགས་པས། སོ་སོའི་སྐྱེ་བོ་ཐ་མལ་གྱིས་མི་གོ་སྟེ། གོང་ལྟར་རྟོགས་དགོས་པས། ཡེངས་སུ་མེད་དེ
70a3 སྐྱོན་ཅན་ནོ།། ངེས་པར་རྟོགས་ཙ་ན། ཡེངས་པ་མེད་དེ་ཡོན་ཏན་ནོ།། ཡོངས་སུ་མེད་པ་ནི།། འདུག་ཀྱང་ཆོས་ཉིད་རང་སྣང་གི་ངང་ལས་མ་གཡོས་པ་ཙམ་དུ་འདུག་ལ། འགྲོ་ཡང་ཡེ་ཤེས་ཀྱི་རང་གདངས་ལ། རང
70a4 བཞིན་མི་འགག་པ་ཙམ་དུ་འགྲོ་སྟེ། མར་མེའམ་ཉི་མ་རང་སྣང་དང་ཆས་ནས་འགྲོ་བ་བཞིན་ནོ།། ཉལ་ཡང་དང་ལས་མ་གཡོས་པའི་ཀློང་རིག་པ་ཟང་ཐལ་གྱི་ངང་ནས་རྩལ་གཞི་ལ་འདུས་ཏེ། རང་བཞིན
70a5 གཞི་ལ་ཟིམ་མོ།། མཚན་མ་རང་སར་གྲོལ་ནས་དོན་ལ་སྦྱོར་བ་ཆེན་པོར་འགྱུར་རོ།། ལངས་ཀྱང་ངག་མ་གཡོས་པ་ལས་ལངས། རིག་པ་རང་ཤར་ཏེ་རང་བཞིན་མ་འགགས་པར་གསལ་ལོ།། ཀྱེ་མ་རིགས་ཀྱི་བུ
70a6 ལེགས་པར་ཡིད་ལ་ཟུང་ཞིག། སྤྱོད་ལམ་བཞི་ཅི་སྤྱད་ཀྱང་། རང་གི་གདངས་ལས་མི་འདའ་ཞིང་། ཆོས་ཉིད་དང་ལས་མ་གཡོས་པ། དཔེར་ན་བྱ་ཡིས་གར་འཕུར་ཀྱང་། མཁའ་ལས་འདའ་བ་མེད། ཉ་ཡིས་གར
iiif viewer powered by OpenSeadragon
