| e-texts navigator |
| Wylie |
6b1 ལ་དབྱེ་བ་མེད།། ཐོག་མའི་དུས་དང་སྔ་ཕྱི་གྲུབ་པ་མེད།། བཟང་ངན་བླང་དོར་སྒྲུབ་བྱ་གང་ཡང་མེད།། མཐའ་དང་དབུས་མེད་ཕྱོགས་དང་རིས་སུ་མེད།། ངོ་བོ་མ་བཅོས་མ་བསླད་གཉུག་མར་གནས།། སོ་མ་རང
6b2 ལུགས་མ་བྱུང་མ་སྐྱེས་སོ།། གཉིས་མེད་མཉམ་ཉིད་བཟང་ངན་གར་མི་འབྱེད།། བདེན་རྫུན་ཡོད་མེད་གར་ཡང་འཛིན་པ་མེད།། བསམ་མེད་རྟོག་མེད་ནམ་མཁའ་དག་པ་འདྲ།། ངོ་བོ་གཟུགས་དང་དངོས་པོའི་མཚན
6b3 མ་མེད།། གནས་དང་མི་གནས་སྣང་དང་སྟོང་པ་མེད།། རྟག་དང་ཆད་དང་གཅིག་དང་དུ་མ་མེད།། དགའ་དང་མི་དགའི་རྩིས་གདབ་དག་ལས་འདས།། མདོར་ན་མཐའ་དང་ཕྱོགས་འཛིན་གང་ཡང་མེད།། རིགས
6b4 དྲུག་སེམས་ཅན་འཁྲུལ་པ་སྣ་ཚོགས་དང་།། རྒྱལ་བའི་སྐུ་དང་ཡེ་ཤེས་སྣང་བ་དང་།། རིམ་དགུ་ལ་སོགས་ཐེག་པའི་བྱེ་བྲག་རྣམས།། དངོས་པོའི་གནས་ལུགས་གཞི་ལ་གྲུབ་པ་མེད།། ཇི་བཞིན་མ་བཅོས་ཀུན་གྱི་གཞི
6b5 ཡིན་ཏེ།། རང་བྱུང་ལྷུན་གྲུབ་ཀུན་གྱི་འབྱུང་གནས་དེ།། མ་བསླད་སྙིང་པོ་ཀུན་ལ་ཁྱབ་པའི་དོན།། རང་གནས་བྱང་ཆུབ་ཀུན་གྱི་གཞི་མ་ཡིན།། མ་ཕྱེ་མི་འབྱེད་རང་གནས་ངོ་བོ་སྟེ།། འགྲོ་དང་འོང་ཞིང་འབྱུང་འཇུག
6b6 ཀུན་ལས་འདས།། རྩང་དང་མ་མྱང་འཇུག་དང་མི་འཇུག་མེད།། སྟོར་དང་མ་སྟོར་མེད་པས་བཙལ་མི་དགོས།། དངོས་མེད་ཀུན་གྱི་སྙིང་པོ་ཀུན་གཞི་སྟེ།། ཆགས་དང་མ་ཆགས་བྱ་བྱེད་ཀུན་དང་བྲལ།། སྐྱེ་མེད་འགྲུ
iiif viewer powered by OpenSeadragon
