| e-texts navigator |
| Wylie |
6a1 བའི་བདག་པོས་ཡང་ཞུས་པ། ཀྱེ་བཅོམ་ལྡན་རྡོ་རྗེ་འཆང་ཆེན་པོ།། འཁོར་དང་མྱང་འདས་གཉིས་ཀའི་གཞིར་གྱུར་པ།། དངོས་པོའི་གནས་ལུགས་ཇི་ལྟར་གནས་པའི་དོན།། དེ་ལས་རྩལ་བྱུང་ཇི་ལྟར
6a2 འབྱུང་བའི་རྒྱུ།། དེ་དག་རྒྱས་བཤད་ཇི་ལྟར་ཕྱི་ལ་བཤད།། བཅོམ་ལྡན་རྡོ་རྗེ་འཆང་གིས་བཤད་པར་ཞུ།། བཅོམ་ལྡན་རྡོ་རྗེ་འཆང་གིས་གསུངས་པའི་དོན།། དང་པོ་གཞི་ཡི་གནས་ལུགས་བསྟན་པ་དང་།། གཉིས་པ
6a3 གཞི་ལས་རྩལ་གྱི་འབྱུང་ལུགས་དང་།། གསུམ་པ་གཞི་ཡི་བྱེ་བྲག་བསྟན་པ་དང་།། བཞི་པ་གཞི་ཡི་མཚོན་དཔེ་བསྟན་པ་དང་།། ལྔ་པ་གཞི་ཡི་བརྗོད་ཚིག་བསྟན་པ་དང་།། དྲུག་པ་གཞི་ཡི་མདོར་བསྡུས་བསྟན་པ
6a4 དང་།། བདུན་པ་གཞི་ཡི་ངོས་བཟུང་བསྟན་པའོ།། དང་པོ་གཞི་ཡི་གནས་ལུགས་བསྟན་པ་ནི།། འཁོར་འདས་རྟོགས་འཁྲུལ་མེད་པའི་གོང་རོལ་ན།། རྒྱུ་རྐྱེན་གཉིས་ལས་འདས་པ་རང་བྱུང་སྟེ།། བདེ་གཤེགས་ཐུགས
6a5 རྗེ་དག་ལས་མ་བྱུང་དང་།། སེམས་ཅན་རྣམས་ཀྱི་ལས་ཀྱིས་མ་བསྐྱེད་དང་།། ཕྱི་རོལ་འབྱུང་བ་ལྔ་ཡིས་མ་བསྐྱེད་དང་།། ནང་གི་རྣམ་རྟོག་དག་ལས་མ་གྲུབ་དང་།། གང་ཟག་ལམ་པའི་བློ་ཡིས་མ་བཅོས་པའོ།། མིང
6a6 དང་མཚན་མ་གང་ཡང་བཏགས་པ་མེད།། ཤེས་མེད་རྟོག་མེད་མ་རིག་འཁྲུལ་པ་མེད།། འཁྲུལ་དང་བག་ཆགས་རྟོག་པ་སྣ་ཚོགས་དང་།། ཡེ་ཤེས་རྩལ་སྣང་འབྲས་བུའི་ཆོས་རྣམས་ནི།། རང་བྱུང་གནས་ལུགས་གཞི
iiif viewer powered by OpenSeadragon
