| e-texts navigator |
| Wylie |
69b1 རྣམ་པར་དག་པའི་དཀྱིལ་འཁོར་འགག་པ་མེད་པར་གནས་པའོ།། དེའི་ཐུགས་རྗེ་ཧེ་རུ་ཀ་ལྔར་སྣང་བ་མི་འགག་པས། ཐུགས་རྗེ་རང་བྱུང་གི་དཀྱིལ་འཁོར་སྟེ། དེ་ལྟར་གནས་པ་ནི་མ་འཁྲུལ་པའི་བུདྡྷའོ།། རིགས་ཀྱི
69b2 བུ་མ་འཁྲུལ་པའི་བུདྡྷ་ལ། མ་བྱས་པའི་ཆོས་ཉིད་བསྟན་པ་ནི། ཐུགས་ཀྱི་མེ་ལོང་ཡིན་ཏེ། དཔེར་ན་ཟག་བཅས་ཀྱི་ཕུང་པོ་འདི་བྱས་པའི་མེ་ལོང་གིས་གཏན་ལ་ཕེབ་པ་ལྟར། ཟག་པ་མེད་པའི་ཡེ་ཤེས་འགག་པ་མེད
69b3 པར་གསལ་བ། ཀུན་གཞི་མེ་ལོང་ལྟ་བུའི་ཡེ་ཤེས་གསལ་ལ་དག་པ། ཐམས་ཅད་འབྱུང་བའི་གཞི་མ་འགགས་པའི་དོན། མགར་བའི་ལག་གི་འདུ་བྱེད་ཀྱིས་མ་བྱས་པ། སྣང་བ་མཐའ་ཡས་ཀྱི་ཐུགས་ཀྱི་ཀློང་ནས།
69b4 རང་བྱུང་དུ་རང་ཤར་བའི་ཤེལ་གྱི་མཆོད་རྟེན་ཁྲི་འཕང་ལྔ་པ། ཐུགས་ཀྱི་མེ་ལོང་དུ་གྱུར་པ་སྟེ། བརྡར་བསྟན་པའི་ཚེ་ཟག་བཅས་ཀྱི་སྒྲོམ་བུས་ཟག་མེད་ཀྱི་ཡེ་ཤེས་མི་ཐུབ་པར་ཐུགས་ཀྱི་ཡེ་ཤེས་ཀྱི་མེ་ལོང་ལ་ཇི་ལྟ།
69b5 བ་བཞིན་དུ་སྣང་ངོ་།། དེའི་འཁྲུལ་གཞི་མན་ངག་ཏི་ཀ་ཆེན་པོ་ལས་གཏན་ལ་ཕབ་པའོ།། དོན་རང་བྱུང་གི་ཡེ་ཤེས་ཆེན་པོ་ཡིན་པས། དུས་གསུམ་དུ་འགྱུར་མ་མྱོང་སྟེ། མི་འགྱུར་བའི་ལྟ་བ་ཟོད་རྒལ་ཆེན་པོའོ།། དེ
69b6 ནི་འཁྲུལ་པ་ལོག་ནས་ཡེ་ཤེས་ཀྱི་དེ་ཁོ་ན་ཉིད་ཀྱི་ཏི་ཀ་ཆེན་པོའོ།། དེས་ནི་རྟགས་ཀྱི་སྒོ་ནས་མི་འགྱུར་བའི་གཟེར་བཏབ་པའོ།། ལུང་གི་ཏི་ཀ་ཆེན་པོས་དོན་ལ་སྦྱོར་རོ།། བདག་ཉིད་ཆེན་པོ་དེ་ཁོ་ན་ཉིད་ཀྱི་ཏི་ཀ་ལ
iiif viewer powered by OpenSeadragon
