| e-texts navigator |
| Wylie |
69a1 ལགས།། ཞེས་ཞུས་སོ།། དེ་ནས་སྟོན་པས་བཀའ་སྩལ་པ།། རྡོ་རྗེ་འཛིན་པ་ལེགས་པར་ཟུང་ཞིག། ངས་བསྟན་བདེ་ཆེན་གཉིས་མེད་ལ།། བསྒོམ་དུ་ཡོད་དང་མེད་པ་ཡི།། ཐ་སྙད་ཐམས་ཅད་རྣམ་པར
69a2 དག། ཤེས་རབ་སྟོབས་ཆེན་རང་རིག་དོན་རྟོགས་པས།། གཉིས་མེད་བདེ་ཆེན་ངང་དུ་འདུ་བྲལ་མེད།། མ་བཙལ་བཞག་པས་ངང་ལས་མ་གཡོས་ཀྱང་།། རྒྱུན་ཆད་མེད་པར་ཆུ་བོ་གངྒཱ་བཞིན།། དབང་པོ་ཡང་རབ
69a3 དོན་དུ་དེ་བསྟན་ཏོ།། རྟེན་གྱི་གང་ཟག་ཤེས་རབ་འབྲིང་རྣམས་ལ།། མི་བསྒོམ་བསྒོམ་པར་བསྟན་པ་ཡིན།། རྣལ་འབྱོར་ཤེས་རབ་རྩལ་ཆུང་ལ།། མ་བསྒོམས་སངས་མི་རྒྱ་བར་བསྟན།། ཀྱེ་གསང་བདག་ངེས་པར
69a4 ཟུང་ཞིག། པདྨ་འདམ་ན་གནས་ཀྱང་སྐྱོན་གྱིས་མ་གོས་ལྟར།། ཕྱི་ནང་འཁྲུལ་པར་ཤར་ཀྱང་ནི།། རང་རིག་ཡེ་ནས་གོས་པ་མེད།། མ་འཁྲུལ་པ་ཡི་སངས་རྒྱས་ཡིན།། རིགས་ཀྱི་བུ་གཞི་དག་པ་ཆོས་ཀྱི་སྐུ་ལ། འབྲས
69a5 བུ་དག་པ་གཟུགས་ཀྱི་སྐུ་གཉིས་ཀྱི་བརྒྱན་ནས། དོན་སྐུ་གསུམ་འདུ་འབྲལ་མེད་པ་ནི།། བུམ་པའི་ནང་གི་མར་མེ་ལྟར།། ཡེ་ཤེས་ནང་ན་གསལ་བའོ།། རིགས་ཀྱི་བུ་གཟུགས་ཀྱི་ཕུང་པོ་ཕྱི་སྣོད་འཇིག་རྟེན། གཞལ
69a6 ཡས་ཁང་འགྲོ་བ་འདུལ་བའི་དཀྱིལ་འཁོར་གྱི་ནང་ན། སྐུ་གསུམ་གྱི་རང་གདངས་འགག་པ་མེད་པའི་ཡེ་ཤེས་ཀྱི་གཞལ་མེད་ཁང་དུ་འོད་གསལ་ལོ།། དེའི་ནང་ན་སྐུ་བཞི་སྐུ་གསུང་ཐུགས་དང་ལྡན་ཏེ།། རང་བཞིན
iiif viewer powered by OpenSeadragon
