| e-texts navigator |
| Wylie |
67b1 ནས།། ཡོན་ཏན་བྱེ་བྲག་བརྗོད་པ་དང་།། སྤྲོས་པའི་མཐའ་རྣམས་བཅད་པའི་ཕྱིར།། རྒྱས་བསྡུས་སྤྲོས་དང་བྱེ་བྲག་མང་བསྟན་ཀྱང་།། རང་བྱུང་རིག་པའི་ངོ་བོ་དེ།། དོན་གྱི་ལ་ཟློ་ཅི་ལྟར་ཟླ།། དེ་སྐད་ཅེས་ནི་ཞུས་པ
67b2 ཡིས།། རྡོ་རྗེ་འཆང་གིས་བཀའ་སྩལ་པ།། རང་རིག་ཆོས་སྐུའི་ངོ་བོ་དེ།། ལྟ་བ་མ་ནོར་དམ་པ་ཡིན།། དཔེ་དང་གཏན་ཚིགས་ཐ་སྙད་དང་།། ངོ་སྤྲོད་ལྟ་བསྒོམ་སྤྱོད་འབྲས་དང་།། འཁྲུལ་དང་རྟོགས་དང་གོམས་པ
67b3 རྣམས།། བློ་དམན་ལམ་གྱི་ཆ་རྐྱེན་ལས།། དོན་ལ་མ་གྲུབ་བཏགས་པ་ཙམ།། ངོ་བོ་རིག་པ་ཆོས་སྐུའམ།། རང་བྱུང་ཡེ་ཤེས་བྱ་བ་དེ།། རང་རིག་ཆོས་སྐུའི་ངོ་བོ་ལས།། འཁོར་བ་མེད་ཅིང་མྱང་འདས་མེད།། གཞི་མེད
67b4 ལམ་མེད་འབྲས་བུ་མེད།། ཐེག་པ་མེད་ཅིང་གང་ཟག་མེད།། ཆོས་དང་ཆོས་མིན་གང་ཡང་མེད།། འཁོར་བའི་རྒྱུ་དང་འབྲས་བུ་མེད།། རྒྱུ་ནི་མ་རིག་གཉིས་བསྟན་དང་།། རྐྱེན་གཞི་ལ་སོགས་གང་ཡང་མེད།། འབྲས
67b5 བུ་འདོད་ཆགས་ཞེ་སྡང་དང་།། གཏི་མུག་ང་རྒྱལ་ཕྲག་དོག་མེད།། དུག་ལྔ་ལ་སོགས་ཉོན་མོངས་མེད།། རིགས་དྲུག་འཁོར་བའི་སེམས་ཅན་མེད།། ཕྱི་ཡི་འབྱུང་བ་ལྔ་ཡང་མེད།། ས་མེད་ཆུ་མེད་མེ་རླུང་མེད།། ནམ
67b6 མཁའ་དག་ཀྱང་བཏགས་པ་ཙམ།། དེ་ལྟར་སྣོད་བཅུད་གང་ཡང་མེད།། འཁོར་བ་འཁྲུལ་པས་བཏགས་པ་ཙམ།། འཁོར་བ་མེད་ཅིང་མྱང་འདས་མེད།། རྟོགས་པས་སངས་རྒྱས་བཏགས་པ་ལས།། དོན་གྱི་ངོ་བོ་ཆོས
iiif viewer powered by OpenSeadragon
