| e-texts navigator |
| Wylie |
67a1 གསལ་སྟོང་གཉིས་སུ་མེད་པ་དེའི་རྩལ་གཟུགས་སུ་ཤར་བ་ནི་འོད་ཁ་དོག་ལྔ་རུ་ཤར་བའོ།། བར་གྱི་རྩལ་མ་འགགས་པ་ནི་རིག་པ་གསལ་སྟོང་གཉིས་སུ་མེད་པ་དེ་གསལ་བའི་ཆའོ།། དེ་ནི་ཕྱིའི་ཡུལ
67a2 ལ་འགྱུ་བ་དེ་ཡིན་ཏེ། དེ་ཡང་འགྱུ་བའི་གསལ་ཆ་མི་འགག་པ་ལ་འཛིན་པ་མེད་དེ་འཛིན་པའི་ཤེས་པ་རང་རྒྱུད་པ་དེ་གྲོལ་བའོ།། དེ་ཡང་འགྱུ་བ་རང་གྲོལ་དུ་སོང་བ་སྟེ།། བར་གྱི་རྩལ་མི་འགགས་པ་དེ་ཡེ་ཤེས
67a3 ཟད་ཐལ་ཞེས་བྱའོ།། རིག་པ་ཆོས་ཀྱི་སྐུ་གསལ་སྟོང་གཉིས་སུ་མེད་པར་སྤྲོས་པའི་མཐའ་དང་བྲལ་བ་དེ་ལྟ་བུ་གཅིག་རང་བྱུང་དུ་རང་གསལ་ཙམ་ན། ཕྱིའི་ཡུལ་མི་འགག་རིག་པ་འགྱུ་བ་སྒོ་ལྔ་ལ་བརྟེན་ནས་འགྱུར
67a4 ཡང་འཛིན་པ་རང་སར་གྲོལ་བའི་ཡུལ་དེ་གསལ་རུང་མི་གསལ་རུང་། སྣང་རུང་སྟོང་རུང་ཡུལ་ཆོས་ཀྱི་དབྱིངས་ཡིན་པར་ལ་བཅད་དོ།། དེ་ལྟར་རྟོགས་པ་དེ་ལྟ་བ་ཡིན་ཏེ། དེ་ཉིད་རྒྱུད་ལ་གསལ་བ་དེ་བསྒོམ
67a5 པའོ།། དེ་ཁོ་ན་འགྲོ་ཉལ་འདུག་སྡོད་མི་འབྲལ་བར་མ་ཡེངས་ལ་ཡེངས་ནས་རྣམ་རྟོག་བྱུང་ཡང་རང་སར་གྲོལ་བ་ནི་སྤྱོད་པའོ།། རྟོགས་པའི་དོན་དང་མི་འབྲལ་བ་འབྲས་བུའོ།། ཞེས་གསུངས་སོ།། སྤྲོས་བྲལ་དོན
67a6 གསལ་གྱི་རྒྱུད་ཆེན་པོ་ལས། ལྷ་སྒོམ་སྤྱོད་པ་གཅིག་ཏུ་དྲིལ་ནས་བསྟན་པའི་ལེའུ་སྟེ་ང་དྲུག་པའོ།། །། ཀྱེ་ཀྱེ་བཅོམ་ལྡན་རྡོ་རྗེ་འཆང་།། གང་ཟག་སྤྲོས་པ་བཅད་པའི་ཕྱིར།། རང་བྱུང་རིག་པ་ཕྱོགས་རེ
iiif viewer powered by OpenSeadragon
