| e-texts navigator |
| Wylie |
66b1 པའི་ལེའུ་སྟེང་ལྔ་པའོ།། །། ཀྱེ་ཀྱེ་བཅོམ་ལྡན་རྡོ་རྗེ་འཆང་།། ལྟ་བའི་སྲོག་བཟུང་དེ་ལགས་ན།། ལྟ་བ་བསྒོམ་པ་སྤྱོད་པ་གསུམ།། གཅིག་ཏུ་དྲིལ་ཏེ་བསྟན་པར་ཞུ།། རྡོ་རྗེ་འཆང་གིས་བཀའ་སྩལ་པ།། ལྷ
66b2 སྒོམ་སྤྱོད་པ་དྲིལ་བ་ནི། རང་གི་རིག་པ་ཆོས་ཀྱི་སྐུ་སྤྲོས་པ་དང་བྲལ་བ་ཡིན་ཏེ། དེ་ལ་དབྱེ་ན་གསུམ། ནང་རིག་པ་ཆོས་ཀྱི་སྐུ་དང་། ཕྱི་སྣང་བ་ཆོས་ཀྱི་དབྱིངས་དང་། བར་དུ་རིག་པའི་རྩལ་མི་འགག་པ་དང་གསུམ
66b3 མོ།། ནང་རིག་པ་ཆོས་ཀྱི་སྐུ་ནི་རིག་པ་གསལ་སྟོང་གཉིས་སུ་མེད་པ་ཡིན་ཏེ།། དེ་ཡང་རང་གི་རིག་པ་མ་བཅོས་པར་ས་ལེ་བ་དེ་ཉིད་ཅིའི་ངོ་བོར་ཡང་མ་གྲུབ་པ་དེ་ཆོས་ཉིད་ཀྱི་སྟོང་ཆ་ཡིན་ནོ།། མ་གྲུབ་པ་དེ་ཀ་རང
66b4 རིག་པ་ས་ལེ་འདུག་པས་རང་རིག་གི་གསལ་ཆའོ།། སྟོང་པ་དང་གསལ་བ་ཐ་དད་དུ་མ་གྱུར་པས་གསལ་སྟོང་གཉིས་སུ་མེད་པའོ།། དེའི་ཕྱིར་ན་གཉིས་མེད་ཀྱི་བདེ་ཆ་ཞེས་བྱའོ།། གཉིས་མེད་ལ་རྩལ་མ་འགགས
66b5 པར་འགྱུ་བས། རྩལ་གྱི་འགྱུ་ཆ་ཞེས་བྱའོ།། འགྱུ་ཆ་མེད་ན་ཞི་གནས་ལྟེངས་པོ་ཞེས་བྱ་སྟེ། ཐམས་ཅད་མཁྱེན་པ་འཆར་མི་སྲིད་དོ།། རིག་པའི་རྩལ་འགྲུས་པས་དེ་སྒོ་ལྔ་ལ་བརྟེན་ནས། ཡུལ་གར་བྱུང་ཡང་ཤེས་པ
66b6 འཆར་བས་གསལ་བའི་ཆ་ཡིན་ནོ།། སོ་སོ་སྐྱེ་བོ་ནི་རང་ཁ་མ་ཡིན་ཏེ་འཛིན་པ་དང་བཅས་པའོ།། རྟོགས་ལྡན་ནི་ཡུལ་ལ་འགྱུ་ཡང་འཛིན་པ་རང་སར་གྲོལ་ཏེ་བག་ཆགས་ཀྱིས་གནོད་མི་ནུས་པ་ཡིན་ནོ།། རིག་པ
iiif viewer powered by OpenSeadragon
