| e-texts navigator |
| Wylie |
66a1 ཚོར་འཛིན་མེད་གྲོལ།། དོན་རྩལ་རང་ཤར་རིག་པ་ཟང་ཐལ་ཡིན།། རང་རིག་ཆོས་ཀྱི་སྐུ་ཡི་དོན་རྟོགས་ན།། སྣང་བ་རང་སྣང་འཛིན་པ་རང་གྲོལ་ལོ།། དེ་ཕྱིར་རང་སྣང་རང་ཤར་ཞེས་སུ་བཤད།། དེ
66a2 ལྟར་ཡོན་ཏན་བཅུ་ལྡན་དེ།། གཅིག་སྲོག་གཅིག་གིས་བཟུང་བས་མཐར་མི་ལྟུང་།། ལ་ཟློ་སྤྲོས་པའི་མཐའ་རྣམས་ཀུན་དང་བྲལ།། དེ་ཕྱིར་རང་རིག་བློ་ཡི་ཡུལ་ལས་འདས།། བཏགས་ཚད་མིང་ཡིན་བསམ་ཚད
66a3 བློ།། སྣང་ཚད་ཡུལ་ཡིན་བྱས་ཚད་འཇིག། དུས་གསུམ་རྟོག་པ་ཐམས་ཅད་འཇིག་པས་ན།། མ་བྱུང་མ་སྐྱེས་རང་བྱུང་ཆེན་པོའི་སྐུ།། མ་བཅོས་མ་བསླད་མ་བསྒྲུབས་མ་ཞེན་པ།། མི་རྟོག་མི་འཛིན་མི་ཞེན་མི་ལྟོས
66a4 སོ།། རིག་པའི་གནས་ལུགས་དེ་ལྟར་གནས་པའོ།། ལྟ་བ་རང་བྱུང་རིག་པའི་དོན་རྟོགས་པས།། སྣང་བ་ཆོས་ཉིད་སྟོང་པའི་ངང་ལས་རིག་རྩལ་འོད་ལྔར་ཤར།། མ་རྟོགས་པ་ལས་འབྱུང་བ་ལྔ་རུ་བརྟས།། རང་གི
66a5 རྩལ་སྣང་བླང་དོར་མཐའ་དང་བྲལ།། རང་སྣང་རང་གྲོལ་ཞེན་པ་ཀུན་དང་བྲལ།། རང་རིག་དོན་རྟོགས་འགྱུ་བ་རང་གྲོལ་ན།། སྒོ་ལྔའི་ཡུལ་ལྔ་དག་གིས་གནོད་མི་ནུས།། རང་བྱུང་ཡེ་ཤེས་ལྟ་བའི་དོན་རྟོགས་ན།། མ
66a6 བསླད་མ་བྱུང་མ་བྱས་མ་བཙལ་བ།། མི་འཁྲུལ་མི་རྟོག་མི་ལྟོས་མི་ཞེན་ནོ།། ངོ་བོ་གཅིག་ལ་ཡོན་ཏན་ལྡན་ལུགས་སོ།། སྤྲོས་བྲལ་དོན་གསལ་གྱི་རྒྱུད་ཆེན་པོ་ལས། ལྟ་བ་གཅིག་སྲོག་གཅིག་གིས་བཟུང་ནས་བསྟན
iiif viewer powered by OpenSeadragon
