| e-texts navigator |
| Wylie |
65b1 ནི།། ཐ་དད་གཉིས་སུ་མ་གྲུབ་གཉིས་མེད་དང་།། གསལ་སྟོང་གཉིས་སུ་མ་གྲུབ་གཉིས་མེད་དང་།། གདོད་ནས་འབྲལ་མ་མྱོང་བའི་གཉིས་མེད་དང་།། རང་བྱུང་རྒྱུ་རྐྱེན་མེད་པའི་གཉིས་མེད་དང་།། བཟང་ངན་མེད
65b2 པས་མཉམ་པ་ཉིད་ཀྱི་ཡེ་ཤེས་དང་།། གཉིས་མེད་སྟེང་དུ་འཛིན་མེད་ལྟ་བའི་མཆོག། ཡོན་ཏན་མ་བཙལ་ལྷུན་གྱིས་གྲུབ་པའི་ལྷུན་གྲུབ་ནི།། རྩོལ་བ་གང་གིས་མ་བཙལ་ལྷུན་གྲུབ་དང་།། ཡོན་ཏན་ལྷུན་གྱིས་གྲུབ
65b3 པས་ལྷུན་གྲུབ་དང་།། འདོད་པའི་ཡོན་ཏན་ཆར་བས་ལྷུན་གྲུབ་དང་།། གློ་བུར་མ་ཡིན་གདོད་ནས་རྫོགས་པས་ལྷུན་གྲུབ་བོ།། དེ་ཕྱིར་མ་བསྒྲུབ་ལྷུན་གྲུབ་ཆེན་པོ་ཡིན།། སྐྱོན་རྣམས་མ་སྤངས་དག་པའི་རྣམ་དག
65b4 ནི།། རང་གི་རིག་པ་ཆོས་སྐུ་དེ་ལ་ནི།། རྣམ་རྟོག་མཚན་མ་ཐམས་ཅད་རྣམ་པར་དག། དངོས་པོ་རྟག་མཐའ་ཐམས་ཅད་རྣམ་པར་དག། མེད་མཐའ་དང་ནི་ཆད་མཐའ་རྣམ་པར་དག། དྲང་དོན་ཐེག་པའི་བཀྲི་དྲང་རྣམ
65b5 པར་དག། མ་རིག་གཏི་མུག་བློ་ནི་རྣམ་པར་དག། ཡུལ་རྐྱེན་རང་སར་གྲོལ་བའི་མཚན་ཉིད་ནི།། དོན་རྟོགས་སྣང་རྐྱེན་རང་སར་གྲོལ་བ་སྟེ།། རིག་པ་ཆོས་སྐུ་ལྟ་བའི་དོན་རྟོགས་པས།། ཡུལ་རྐྱེན་ཇི་ཤར་འཛིན་པ
65b6 མེད་པར་གྲོལ།། མིག་གི་ཡུལ་དུ་གཟུགས་ཤར་འཛིན་མེད་གྲོལ།། རྣ་བའི་ཡུལ་དུ་སྒྲ་བྱུང་འཛིན་མེད་གྲོལ།། སྣ་ཡི་ཡུལ་དུ་དྲི་བྱུང་འཛིན་མེད་གྲོལ།། ལྕེ་ཡི་ཡུལ་དུ་རོ་མྱོང་འཛིན་མེད་གྲོལ།། ལུས་ཀྱི་ཡུལ་དུ་རེག
iiif viewer powered by OpenSeadragon
