| e-texts navigator |
| Wylie |
65a1 གསལ་བ་དང་།། གསལ་ཙམ་ཉིད་ནས་ངོ་བོ་མ་གྲུབ་གསལ་བ་དང་།། གསལ་བའི་དུས་ན་བདེ་ཡིན་གསལ་བ་དང་།། ཡོན་ཏན་ལྷུན་གྱིས་གྲུབ་པས་གསལ་བའོ།། དེ་ཕྱིར་རང་རིག་རང་གསལ་དག
65a2 ཡིན་ནོ།། སྒོ་ལྔའི་རིག་རྩལ་ཕྱི་གསལ་བསྟན་པ་ནི།། མིག་གི་ཡུལ་དུ་གཟུགས་རྣམས་སྣང་བ་དང་།། རྣ་བའི་ཡུལ་དུ་སྒྲ་རྣམས་གྲག་པ་དང་།། སྣ་ཡི་ཡུལ་དུ་དྲི་རྣམས་སྣོམ་པ་དང་།། ལྕེ་ཡི་ཡུལ་དུ་རོ་རྣམས་བྲོ་བ
65a3 དང་།། ལུས་ཀྱི་ཡུལ་དུ་རེག་བྱ་ཚོར་བའོ།། སྒོ་ལྔ་དེ་རྣམས་རིག་པ་དག་ལ་ཆང་།། སྒོ་ལྔའི་རྗེས་འཇུག་འགྱུ་བ་ཟང་ཐལ་ཡིན།། མིག་ལ་བརྟེན་ནས་གཟུགས་ཀྱི་རྣམ་པར་སྤྱོད།། རྣ་བ་ལ་བརྟེན་སྒྲ་ཡི་རྣམ
65a4 པར་སྤྱོད།། སྣ་ལ་བརྟེན་ནས་དྲི་ཡི་རྣམ་པར་སྤྱོད།། ལྕེ་ལ་བརྟེན་ནས་རོ་ཡི་རྣམ་པར་སྤྱོད།། ལུས་ལ་བརྟེན་ནས་རེག་བྱའི་རྣམ་པར་སྤྱོད།། སྤྱོད་པའི་རྗེས་སུ་འབྲང་ན་འཁྲུལ་པ་ཡིན།། ཡུལ་ལ་མ་སྤྱད་རང་སར་གྲོལ
65a5 བས་ཟང་ཐལ་ཡིན།། རིག་རྩལ་འོད་དུ་ཤར་བས་གཟུགས་རྩལ་ཡིན།། སྟོང་ཉིད་ཡེ་ཤེས་རྩལ་ནི་མཐིང་གར་ཤར།། མེ་ལོང་ཡེ་ཤེས་རྩལ་ནི་དཀར་པོར་ཤར།། མཉམ་ཉིད་ཡེ་ཤེས་རྩལ་ནི་སེར་པོར་ཤར།། སོར
65a6 རྟོག་ཡེ་ཤེས་རྩལ་ནི་དམར་པོར་ཤར།། བྱ་གྲུབ་ཡེ་ཤེས་རྩལ་ནི་ལྗང་གུར་ཤར།། རྩལ་གཉིས་རང་སར་མི་འཛིན་མི་རྟོག་པ།། རང་སྣང་རང་སར་གྲོལ་བ་རྟོགས་པའི་ཚད།། གསལ་སྟོང་གཉིས་མེད་དོན་ལ་ཅིག་ཅར
iiif viewer powered by OpenSeadragon
