| e-texts navigator |
| Wylie |
64b1 ལངས་ཀྱང་།། ཡོན་ཏན་བཅུ་ལྡན་རང་རིག་ཆོས་ཀྱི་སྐུ།། རྒྱུ་དང་རྐྱེན་གྱིས་མ་བསྐྱེད་རང་བྱུང་ཆ།། དངོས་པོ་མཚན་མར་མ་གྲུབ་སྟོང་པའི་ཆ།། རང་རིག་རང་གསལ་རིག་པ་ནང་གསལ་ཆ།། རིག་རྩལ་སྒོ་ལྔར་ཤར
64b2 བ་ཕྱི་གསལ་ཆ།། སྒོ་ལྔའི་རྗེས་སུ་འཇུག་པ་འགྱུ་བ་ཟང་ཐལ་ཆ།། རིག་རྩལ་འོད་དུ་ཤར་བ་གཟུགས་ཀྱི་ཆ།། གསལ་སྟོང་གཉིས་མེད་དོན་ལ་གཅིག་པའི་ཆ།། ཡོན་ཏན་མ་བཙལ་ལྷུན་གྱིས་གྲུབ་པས་ལྷུན་གྲུབ
64b3 ཆ།། སྐྱོན་རྣམས་མ་སྤངས་དག་པས་རྣམ་དག་ཆ།། ཡུལ་རྐྱེན་རང་སར་གྲོལ་བས་འཛིན་མེད་ཆ།། རྒྱུ་རྐྱེན་གཉིས་ཀྱིས་མ་བསྐྱེད་རང་བྱུང་ནི།། བདེ་གཤེགས་ཐུགས་རྗེ་དག་ལས་མ་བྱུང་རང་བྱུང་དང་།། སེམས་ཅན
64b4 རྣམས་ཀྱི་ལས་ཀྱིས་མ་བསྐྱེད་དང་།། ཕྱི་ཡི་འབྱུང་བ་ལྔ་ཡིས་མ་བསྐྱེད་དང་།། ནང་གིས་རྣམ་རྟོག་དག་ལས་མ་བྱུང་དང་།། གང་ཟག་ལམ་པའི་བློ་ཡིས་མ་བཅོས་པའོ།། དེ་ཕྱིར་རང་བྱུང་རྒྱུ་རྐྱེན་མེད་པའོ།། དངོས་པོ
64b5 མཚན་མར་མ་གྲུབ་སྟོང་པ་ནི།། གློ་བུར་མ་ཡིན་གདོད་མ་ནས་ཀྱི་སྟོང་པ་དང་།། གསལ་བའི་ངོ་བོ་མ་གྲུབ་སྟོང་པ་དང་།། བློ་ཡིས་མ་བཅོས་མ་བསླད་པ་ཡི་སྟོང་པ་དང་།། རྫས་དང་མཚན་མར་མ་གྲུབ་སྟོང་པ
64b6 དང་།། ཉོན་མོངས་བག་ཆགས་མ་གྲུབ་སྟོང་པའོ།། དེ་ཕྱིར་ཆོས་ཉིད་སྟོང་པ་ཉིད་ཅེས་བྱ།། རིག་པ་ནང་གསལ་ངོ་བོ་བསྟན་པ་ནི།། གཞན་ལ་རག་མ་ལས་པར་གསལ་བ་དང་།། གློ་བུར་མ་ཡིན་གདོད་མ་ནས་ཀྱི
iiif viewer powered by OpenSeadragon
