| e-texts navigator |
| Wylie |
63b1 པའི་ཚོགས་སུ་ཤར།། ཤེས་ནས་ཡུལ་ལ་འཛིན་པ་མེད་པ་ནི།། ཡེ་ཤེས་ཟང་ཐལ་བལྟ་བའི་མཐར་ཟུག་ཡིན།། སྦྱོར་བ་དོན་གྱི་ཀུན་གཞིའི་མཚན་ཉིད་བསྟན་པ་ནི།། ཚོགས་བདུན་རྟོག་པའི་གཞི་ལ་བྱ།། ཚོགས
63b2 བདུན་དག་ལ་རྟོག་པ་མི་གསོག་ན།། སྦྱོར་བ་དོན་གྱི་ཀུན་གཞི་དེ་ལས་བཟློག། མཐུན་ཕྱོགས་ཚོགས་བརྒྱད་དག་ལས་དེ་ལྟར་བཟློག། ནང་རིག་པའི་ཚོགས་བརྒྱད་དག་ལས་བཟློག་པ་ཡིན།། ཕྱི་ཡི་ཆོས་དབྱིངས
63b3 དག་ལས་བཟློག་པ་ཡིན།། འབྱུང་བ་ལྔ་ནི་རགས་པ་རྡོས་པ་ཅན།། ལྟ་བ་ཆོས་ཀྱི་དབྱིངས་ནི་སྟོང་པ་ལ།། འོད་གསལ་དག་ནི་རྩལ་གྱི་སྣང་བ་འཆར།། དེ་ཕྱིར་ཆོས་སྐུ་ཆོས་དབྱིངས་ཤར་ཙམ་ན།། འཁྲུལ་པའི་སྣང་བ
63b4 ལས་ནི་བཟློག་པ་ཡིན།། ལྟ་བའི་ལ་ཟློ་སྤྲོས་དང་བྲལ་བ་ཡིན།། ཅི་ཕྱིར་སྤྲོས་དང་བྲལ་ཞེ་ན།། སྤྲོས་པའི་མཐའ་ནི་མཐའ་ལྷུང་སྟེ།། དེ་དང་བྲལ་ན་སྤྲོས་བྲལ་ལོ།། མཐའ་ཡང་འཁོར་བའི་མཐའ་ཡིན་ཏེ།། འཁོར
63b5 བའི་མཐའ་ཡང་ཕྱི་ནང་གཉིས་ཡིན་ཏེ།། ཕྱི་ཡི་འབྱུང་ལྔ་རྡོས་པའི་མཐའ།། འབྱུང་བ་ལྔ་ནི་འདུས་བྱས་ཏེ།། འདུས་མ་བྱས་ཤིང་འཛིན་པ་མེད་པས་མཐའ་ལས་གྲོལ།། ནང་ནི་ཉོན་མོངས་དུག་ལྔ་འཛིན་པའི
63b6 མཐའ།། འཛིན་པའི་ཕྱོགས་སུ་མ་ལྷུང་མཐའ་དང་བྲལ།། ཕྱི་ནང་སྣོད་བཅུད་མཐའ་ལས་དེ་ལྟར་གྲོལ།། གསལ་ལ་འཛིན་པ་མེད་པས་ཆད་པའི་མཐའ་ལས་གྲོལ།། མི་རྟོག་སྟོང་པས་རྟག་པའི་མཐའ་ལས
iiif viewer powered by OpenSeadragon
